Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Tagliacrappa AFQ

Tagliacrappa tractan ed elavuran crap natiral. Londeror datti elements da construcziun sco curnischs, artgs e pitgas per edifizis vegls e novs. Els renoveschan er edifizis da crap.

Lavurs

En chavas da crappa elavuran tagliacrappa il crap natiral explotà e creeschan ordlonder parts d'edifizis; per exempel curnischs, artgs e pitgas. Lur products vegnan utilisads en la construcziun auta e bassa, en construcziuns internas sco er en la furmaziun da la cuntrada. Sin il plazzal monteschan ed adatteschan els ils elements producids.

La lavur dals tagliacrappa cumenza en il lavuratori cun in dissegn tecnic e sch'igl è necessari cun ina schablona. Sco model servan skizzas da mesira producidas sez. Quellas transponan els sin il crap cun punctar e trair stritgs. Pir alura cumenza la vaira lavur d'artisanadi: elavurar las differentas surfatschas, batter profils e far ornaments simpels.

Per eleger il crap e la metoda d'elavuraziun dovri bunas enconuschientschas dal material. Tagliacrappa enconuschan differentas sorts da crap, lur qualitads ed atgnadads.

Sper l'elavuraziun da products da crap natiral renoveschan tagliacrappa era vegls edifizis da crap. En baselgias e catedralas restaureschan els ornaments e profils e reconstrueschan tocca istorica d'edifizis. Questas lavurs vegnan per il solit exequidas sin puntanadas.

Per la lavur corporala stentusa stattan a disposiziun en il lavuratori numerus indrizs tecnics. Ils guaffens principals dals tagliacrappa èn però anc adina il martè ed il stgalper. Latiers dovran els puntgas gizzas, puntgas dentadas e puntgas plattas. Els èn era responsabels per il mantegniment da quests guaffens che isan spert. Perquai als battan, gizzan ed endireschan els regularmain.

Durant lur lavur resguardan tagliacrappa las prescripziuns da la segirezza da lavur. Per sa proteger da pulvra e canera portan els protecziuns da la respiraziun e da l'udida.

Scolaziun

Basa legala

Ordinaziun federala 16-10-2009 (versiun dals 1-1-2018)

Durada

4 onns

Furmaziun en la pratica

En in manaschi ch'elavura e sanescha crappa natirala

Furmaziun en scola

di l'emna a la scola professiunala

Roms professiunals

  • tecnica da lavur: segirezza da lavur, protecziun da la sanadad e da l'ambient; guaffens e maschinas; elavurar la tocca; elavurar differents materials; transportar, dischlocar e montar ils objects
  • construcziun, creaziun: dissegnar skizzas tecnicas e plans; creaziun; dar rapport, documentar, cussegliar clientella
  • Curs ordaifer il manaschi

    Emprender ed exercitar a moda pratica las basas professiunalas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "tagliacrappa AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • imaginaziun dal spazi
  • sentiment estetic
  • constituziun ferma
  • ferm dies ed organs da respirar sauns (pulvra)
  • senza sturnizi
  • pazienza e persistenza

Furmaziun supplementara

Curs

Purschidas da scolas d'art applitgà e da scolas spezialisadas e professiunalas sco da l'Associaziun svizra dals maisters sculpturs da crappa e tagliacrappa VSBS

Furmaziun da basa scursanida

Sculptur / sculptura da crappa AFQ

Examen professiunal superiur (EPS)

Maister / maistra tagliacrappa, maister sculptur / maistra sculptura da crappa

Scola auta spezialisada (SAS)

Studis en champs parentads, p.ex. Bachelor of Arts (SAS) en conservaziun u Master of Arts (SAS) en conservaziun

Cundiziuns da lavur

Tagliacrappa lavuran en manaschis ch'elavuran e saneschan crappa natirala. Els pon era vegnì engaschads en fatschentas per material da construcziun u crappa natirala sco cussegliaders da clientella.

Ulteriuras infurmaziuns

Associaziun svizra dals maisters sculpturs da crappa e tagliacrappa VSBS
Birkenweg 38
3123 Belp
Tel: 031 819 08 20
URL: www.vsbs.ch

Revista professiunala:
"Kunst + Stein"




orientamento.ch