Vai al titolo

Tagliacrappa AFQ

Tagliacrappa furman crappa natirala e materials sumegliants a crappa artistica u a cuvridas da marmel. Els elavuran il material cun iseglia e cun maschinas. Tagliacrappa sa spezialiseschan en in sectur professiunal: en sculptura, en industria, en construcziun e renovaziun ubain en concepziun ed elavuraziun da marmel.

Lavurs

Lur lavurs èn las suandantas:

preparar e terminar las lavurs
  • mesirar objects
  • dissegnar plans da construcziun
  • skizzar objects da crap tenor in plan u tenor in model
  • transferir las mesiras dal plan sin il material brut u sin la tocca
  • proteger il material elavurà cun chemicalias u cun products natirals
Mantegnair l'iseglia
  • observar las prescripziuns da segirezza
  • dismetter ils ruments en moda ecologica
  • gizzar l'iseglia e fabritgar sez iseglia simpla sco spols u palfiers
  • mantegnair las maschinas ed ils indrizs
Sectur professiunal Sculptura
  • producir objects artisanals tenor ils giavischs da la clientella, per exempel bigls, sculpturas u craps da fossa
Sectur professiunal Industria
  • producir objects per locals d'abitar, per exempel cuvridas da cumbinaziun da cuschina, stgalas u cuvridas da palantschieu
  • purtar objects finids tar la clientella ed als montar
Sectur professiunal Construcziun e renovaziun
  • mantegnair edifizis istorics e moderns
  • fabritgar e fixar parts d'edifizis sco curnischs, roms da fanestras u portals
  • cumplettar e proteger parts donnegiadas d'edifizis istorics
Sectur professiunal Concepziun ed elavuraziun da marmel
  • furmar crappa natirala e l'elavurar cun iseglia e cun maschinas

Scolaziun

Durada

4 onns

Secturs spezials
  • Sculptura
  • Industria
  • Construcziun e renovaziun
  • Concepziun ed elavuraziun da marmel

Furmaziun en la pratica

En in manaschi d'elavuraziun/da sanaziun da crappa natirala

Furmaziun en scola

1 di per emna a la scola professiunala spezialisada

Roms professiunals

  • far skizzas, plans e documentaziuns
  • fabritgar objects
  • mantegnair objects
  • concepir objects ed inscripziuns
  • producir e dischlocar tocca fabritgada cun maschinas
  • pitgar e restaurar parts d'edifizis

Curs ordaifer il manaschi

Emprender la lavur pratica, approfundar ed exercitar las basas professiunalas, 37 dis durant 4 onns.

Maturitad professiunala

Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.

Diplom

Tagliacrappa AFQ

Premissas

Furmaziun preliminara
  • terminà la scola obligatorica
Pretensiuns
  • inschign manual
  • chapientscha pratica
  • imaginaziun tridimensiunala
  • senn per estetica
  • constituziun ferma
  • dies saun ed organs da respiraziun sauns (pervia da la pulvra)
  • senza sturnizi
  • pazienza e perseveranza

Furmaziun supplementara

Curs

Purschidas da scolas spezialisadas e da scolas professiunalas spezialisadas, da la Societad svizra dals impressaris constructurs SSIC sco er da l'Associaziun furmaziun da crappa natirala AFC.

Examen professiunal (EP)

Mastergnant/a per la tgira da monuments cun certificat professiunal federal

Examen professiunal superiur (EPS)

P.ex. maister sculptur/maistra sculptura da crappa cun diplom federal u tagliacrappa cun diplom federal.

Scola spezialisada superiura (SSS)

Furmaziuns en secturs spezials parentads, per exempel: tecnicist/a dipl. SSS en surveglianza da construcziun u artist/a d'art figurativ SSS.

Scola auta spezialisada (SAS)

Studis en secturs parentads, p.ex. Bachelor of Arts en conservaziun u Master of Arts en conservaziun-restauraziun. Tut tenor la scola auta spezialisada valan differentas cundiziuns d'admissiun.

Cundiziuns da lavur

Tagliacrappa lavuran en manaschis pitschens fin mesauns d'artisanadi e d'industria. Tut tenor l'incumbensa monteschan els objects a l'extern u a l'intern, per exempel vi d'edifizis, en bogns u sin santeris. Durant la montascha portan els egliers da protecziun, ina protecziun da l'udida e mintgatant er mascras cunter pulvra. Lur temps da lavur èn regulars.

Tagliacrappa chattan plazzas en ovras ch'elavuran marmel ed en interpresas da construcziun. Cun in pèr onns pratica professiunala pon els surpigliar posiziuns directivas, per exempel sco manader/-dra da team u sco schef/fa d'in lavuratori. Els pon er lavurar sur sasezs.

Ulteriuras infurmaziuns

Verein Bildung Naturstein VBN
3001 Bern
Tel: +41 31 380 19 22
URL: www.bildung-naturstein.ch

Revista professiunala:
"Kunst + Stein"




orientamento.ch