Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Sculptur / Sculptura da crappa AFQ

Sculpturas e sculpturs da crappa AFQ s'occupan da la furmaziun artisanala da crappa natirala. Els concepeschan e produceschan crappa da fossa, bigls, monuments ed auters objects plastics.

Lavurs

Sculpturas e sculpturs da crappa elavuran crap natiral a craps da fossa, plattas da fossa, bigls, monuments, figuras e relievs, ornaments da fatschadas ed objects d'art da tuttas sorts. La creaziun artistica predominescha en questa professiun.

Sculpturs da crappa skizzeschan l'object en planisaziun sin palpiri. Latiers laschan els s'inspirar da la colur, da la furma e da la structura da la crappa natirala. Els resguardan las atgnadads da la crappa. Tut tenor incumbensa integreschan els er ils giavischs da la clientella. A maun da lur skizzas elavuran els dissegns tecnics e models. Avant che cumenzar la lavur vi dal crap, produceschan els savens models en arschiglia u en gip.

Per la producziun da figuras e relievs cumplitgads utiliseschan sculpturs da crappa savens apparats da punctar u circuls da mesirar. Cun quests agids transponan els la skizza u il model punct per punct sin il crap.

Per l'elavuraziun groppa dal crap dovran sculpturs da crappa maschinas modernas: fresas da crappa, rudellas da tagliar, martels pneumatics, maschinas da mular ed auters guaffens ferms da diamant u da metal dir. Ils blocs tagliads furman els cun guaffens tradiziunals sco martè e stgalper, puntga dad urs, puntga platta, puntga gizza, martè da gulivar e mazzot.

Sculpturs da crappa creeschan ed exequeschan inscripziuns. I sa tracta da relievs u da gravuras. Tut tenor incumbensa vegnan las inscripziuns doradas u plumadas. Els fan era lavurs da restauraziun. Per questa lavur dovri gronda savida professiunala e sentiment, perquai che nagut na dastga ir en paglia vi dals monuments vegls da crap.

Durant lur lavur resguardan sculpturs da crappa las prescripziuns da la segirezza da lavur. Per sa proteger da pulvra e canera portan els protecziuns da la respiraziun e da l'udida.

Scolaziun

Basa legala

Ordinaziun federala 16-10-2009 (versiun dals 1-1-2018)

Durada

4 onns

Furmaziun en la pratica

En in atelier da sculptura u en la scola da sculptura a Müllheim (scola a temp cumplain)

Furmaziun en scola

1 di l'emna a la scola professiunala resp. a la scola da sculptura a Müllheim

Roms professiunals

  • tecnica da lavur: segirezza da lavur, protecziun da la sanadad e da l'ambient; guaffens e maschinas; elavurar la tocca; elavurar differents materials; transportar, dischlocar e montar ils objects
  • construcziun, creaziun: dissegnar skizzas tecnicas e plans; creaziun; dar rapport, documentar, cussegliar clientella
  • Curs ordaifer il manaschi

    Emprender ed exercitar a moda pratica las basas professiunalas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "sculptur / sculptura da crappa AFQ"

Premissas

Furmaziun preliminara
  • scola populara terminada
  • recumandabel: curs preliminar en ina scola d'art applitgà
Pretensiuns
  • inschign manual
  • imaginaziun dal spazi
  • dun creativ
  • ferma constituziun
  • ferm dies ed organs da respirar sauns
  • pazienza e persistenza

Furmaziun supplementara

Curs

Purschidas da scolas d'art applitgà e da scolas spezialisadas e professiunalas sco era d'associaziuns sco p.ex. l'Associaziun svizra dals maisters sculpturs da crappa e tagliacrappa VSBS

Examen professiunal superiur (EPS)

Maister sculptur / maistra sculptura da crappa

Scola spezialisada superiura (SSS)

Creader d'art applitgà diplomà / Creadra d'art applitgà diplomada SSS

Scola auta spezialisada (SAS)

Studis en champs parentads, p.ex. Bachelor of Arts (SAS) en art figurativ, Bachelor of Arts (SAS) en conservaziun, Master of Arts (SAS) en conservaziun / restauraziun

Cundiziuns da lavur

Ils blers sculpturs da crappa lavuran en in atelier da sculptura da crappa e gudognan lur paja cun crear craps da fossa. Ulteriuras pussaivladads da lavur datti en l'industria da crappa, nua ch'els exequeschan er autras lavurs en connex cun l'elavuraziun da crappa.

Sculpturs che vulan avair in'existenza cun las lavurs artisticas ston avair bler talent, idealissem e perseveranza. Bunas cundiziuns han sculpturs che pon surprender in manaschi.

Ulteriuras infurmaziuns

Associaziun svizra dals maisters sculpturs da crappa e tagliacrappa VSBS
Birkenweg 38
3123 Belp
Tel: 031 819 08 20
URL: www.vsbs.ch

Fundaziun scola da sculpturs Müllheim
Bahnhofstrasse 12
8555 Müllheim TG
Tel: 052 763 32 32
URL: www.bildhauerschule.com

Revista professiunala:
"Kunst + Stein"



orientamento.ch