Vai al titolo

Fotograf / Fotografa AFQ

Fotografas e fotografs tegnan ferm objects, situaziuns ed eveniments cun metodas e tecnicas da lavur adattadas ed als transponan en maletgs. Ils maletgs elavuran els pli tard al computer.

Lavurs

Els exequeschan suandantas lavurs:

Far fotografias tenor cunvegna
  • far fotografias en champs da lavur da la reclama, la moda, l’architectura, l’industria, la scienza, situaziuns, reportaschas e purtrets
  • fixar termins ed exequir lavurs administrativas
  • tut tenor incarica far las fotografias en il studio sco era collavurar en dumondas concepziunalas, per exempel tar la tscherna schelta da la location e dal model
Eleger equipament ed opziuns per fotografias
  • preparar il material che vegn duvrads; tranter auter cameras, material da registraziun, purtaders da datas, stativs ed indrizs per influenzar las cundiziuns da la glisch
  • eleger la camera tut tenor gener da l'incarica; cameras analogas u digitalas da format pitschen per reportaschas, cameras da format grond per il sectur da l’architectura
  • eleger tut tenor la situaziun in straglisch u ina glisch permanenta, duvrar folias per sminuir l’intensitad da la glisch u plazzar uschenumnads scleriders che consistan da material reflectant
Elavurar fotografias
  • elavurar il maletgs posteriuramain cun software d’elavuraziun da maletgs ed als preparar per diversas pussaivladads da represchentaziun
  • sa furmar in cuntin en connex cun la tecnica digitala da l’elavuraziun da maletgs.

Resguardar las basas legalas (dretg dal singul, dretg per las illustraziuns)

Scolaziun

Durada

4 onns

Furmaziun en la pratica

En in atelier da fotografias u en ina fatschenta cun agens fotografs

Furmaziun en scola

½ di l'emna a la scola professiunala

Roms professiunals

  • savair bain las tecnicas da fotografar
  • preparar il process da fotografar
  • realisar il process da fotografar
  • elavurar la fotografia
  • lavurs administrativas
  • enconuschientschas dal martgà
  • schlargiar las abilitads spiertalas
  • mantegniment dal chapital real

Curs ordaifer il manaschi

Emprender ed exercitar a moda pratica las basas professiunalas (15-18 dis durant 4 onns)

Scolaziun a temp cumplain
  • F+F Schule für Kunst und Design a Turitg (4 onns, incl. maturitad professiunala d’art applitgà sco opziun)
  • Centre d'enseignement professionnel de Vevey (franzos)
  • Scola d'art applitgà Bienna (franzos)

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "fotograf / fotografa AFQ"

Premissas

Furmaziun preliminara
  • Temp da scola obligatoric terminà

In curs preliminar en ina scola d’art applitgà u in’autra furmaziun preliminara è giavischà, dentant betg cundiziun.

Pretensiuns
  • enclegientscha tecnica
  • creativitad
  • senn per estetica e perfecziun
  • perseveranza
  • talent d’organisaziun

Furmaziun supplementara

Curs

purschidas da scolas d’art applitgà sco era da produciders da la branscha da fotografias sco era dal MAZ – die Schweizer Journalistenschule (p.ex. en la fotografia redacziunala ni en la redacziun da maletgs)

Scola spezialisada superiura (SSS)

p.ex. creadra dipl. SSS communicaziun visuala, approfundaziun fotografia

Scola auta spezialisada (SAS)

p.ex. Bachelor of Arts ZFH en art figurativ cun approfundaziun fotografia a la Scola auta turitgaisa dals arts ZHdK. Tut tenor scola auta spezialisada valan differentas cundiziuns d'admissiun.

Cundiziuns da lavur

Ils pli blers fotografs e las bleras fotografas lavuran independentamain en l’agen atelier. Paucas pussaivladads da lavur porschan er ateliers da fotografia, fatschentas da fotografia spezialisadas, agenturas da reclama, chasas edituras, agenturas da pressa sco er interpresas ed instituziuns cun agens fotografs e fotografas sco p.ex. manaschis industrials, ospitals u instituts scientifics.

La dumonda da plazzas d’emprendissadi è pli gronda che la purschida da talas. Per avair success a la tschertga d’ina plazza d’emprendissadi ston ins mussar in grond engaschament persunal.

Ulteriuras infurmaziuns

Uniun svizra dals fotografs professiunals USPP
Chemin du Valentin 34
1004 Losanna
URL: www.photographes-suisse.ch

F+F Schule für Kunst und Design
8047 Turitg
Tel: 044 444 18 88
URL: ffzh.ch

Centre d'enseignement professionnel de Vevey CEPV
1800 Vevey
Tel: 021 557 14 00
URL: cepv.ch

Schule für Gestaltung Bern und Biel
2502 Biel/Bienne
Tel. +41 32 344 20 10
URL: www.sfgb-b.ch



orientamento.ch