Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Creader / Creadra da tecnica da reclama AFQ

Creaders e creadras da tecnica da reclama creeschan, produceschan e monteschan etichettaziuns e products per la reclama a l’intern e dador. Els elavuran concepts e sbozs u surpiglian quels d’ateliers da creaziun.

Lavurs

Creaders e creadras da tecnica da reclama creeschan, produceschan e monteschan etichettaziuns, vehichels, vitrinas, tablas da reclama e da bajegiar, stans da fiera, sistems d’infurmaziun e d’orientaziun euv. Ils concepts che tutgan latiers elavuran els sezs tenor ils giavischs da la clientella u ch’els  surpiglian quels d’ateliers da grafica u d’agenturas da reclama.

En la tecnica da reclama vegn mintga product realisà e producì adattà al client ed a l’incumbensa. La cussegliaziun da la clientella è per quest motiv fitg impurtanta. En discurs erueschan creaders da tecnica da reclama ils basegns dals clients, analiseschan e sviluppeschan ideas e propostas per ina soluziun. Els elegian per las clientas ed ils clients las ideas ch’èn il pli adattadas, preschentan differentas propostas e las discussiunan cun els.

Durant la preparaziun da la lavur preparan creaders da tecnica da reclama tut ils documents ch’èn necessaris per la producziun. Els defineschan material da fabricaziun adattà, tecnicas da producziun e da fixaziun e fan ina planisaziun detagliada da la lavur e dals termins. Latiers guardan els da tegnair en ils custs calculads.

Il pli impurtant apparat da lavur per creaders da tecnica da reclama è il computer. Els n’al utiliseschan betg mo per il sboz e per la creaziun, mabain er per la producziun. En la preparaziun per la stampa preparan els las datas digitalas necessarias. Els legian ils sbozs en il computer ed als elavuran. Il tagliar or las scrittiras ed ils simbols or da folias succeda medemamain cun agid dal computer. Malgrà la tecnologia da computer è la lavur a maun necessaria per tschertas lavurs, per exempel per la serigrafia u per l’elavuraziun da material sco materia sintetica, metal, vaider u lain.

Cun agid d’in plan d’execuziun monteschan creaders da tecnica da reclama las etichettaziuns al lieu. Els remesiran la posiziun da montascha exacta e la marcheschan. Sistematicamain e tenor prescripziuns ferman els il product sin il fund preparà, per exempel d’in vaider da vitrina.

Creaders da tecnica da reclama sa tegnan durant tut las lavurs vi da las prescripziuns en connex cun la segirezza da lavur e resguardan ils aspects da la sanadad e da l’ambient.

Scolaziun

Basa legala

Ordinaziun federala 1-10-2014 (stan 1-1-2018)

Durada

4 onns

Furmaziun en la pratica

En in atelier per tecnica da reclama

Furmaziun en scola

En media 1½ di per emna a la scola professiunala (2 dis/emna durant il 1. onn ed il 2. onn d’emprendissadi, 1 di/emna davent dal 3.onn d’emprendissadi)

Roms professiunals

  • concepziun e cussegliaziun
  • creaziun
  • preparaziun da la lavur, tecnica da reclama, montascha
  • preparaziun per la stampa
  • segirezza da la lavur, protecziun da la sanadad e da l’ambient
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "creader / creadra da tecnica da reclama AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • flair creativ
  • chapientscha tecnica
  • bunas enconuschientschas da l’ortografia
  • senn estetic e creativitad
  • moda da lavur exacta
  • buna sanadad e movibilitad corporala
  • senza sturnizi
  • abilitad da lavurar en ina gruppa

Furmaziun supplementara

Curs

purschidas da scolas professiunalas e scolas per creaziun, d’associaziuns professiunalas, en spezial l’associaziun Werbetechnik + Print

Examen professiunal (EP)

p. ex. creader / creadra en l’artisanat cun certificat professiunal federal

Examen professiunal superiur (EPS)

tecnicist / tecnicista da reclama DF, manager / managera da publicaziun DF

Scola spezialisada superiura (SSS)

curs da furmaziun en champs spezials parentads, p. ex. creader / creadra dipl. SSS da design da communicaziun u designer / designra da colurs dipl. SSS

Scola auta spezialisada (SAS)

roms da studi en champs spezials parentads, p. ex. Bachelor of Arts (SAS) en communicaziun visuala

Cundiziuns da lavur

Creaders da tecnica da reclama lavuran en ateliers per tecnica da reclama u en manaschis parentads. Per regla lavuran els en in pitschen team.

Ulteriuras infurmaziuns

Verband Werbetechnik + Print
Geschäftsstelle VWP
Werdenstr. 70
9472 Grabs
Tel: 081 750 35 88
URL: www.v-w-p.ch

Revistas professiunalas:
"Publisher"




orientamento.ch