Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Construider / Construidra da gìas AFQ

Construidras e construiders da gìas mantegnan, reparan, restaureschan e construeschan instruments ad artg. Els elavuran il lain cun agid da splaunas, raspas e glimas. Ultra da quai vendan ed affittan els instruments ad artg ed accessoris.

Lavurs

Construidras e construiders da gìas restaureschan e reparan gìas ed auters instruments ad artg, sco per exempel violas da bratsch, cellos, cuntrabass. Tut tenor atelier, nua ch’els lavuran, s'occupan els era d’instruments da trair sco ghitarras e lautas. Tut tenor atelier sa differenziescha era lur lavur principala: ils ins èn spezialists per restaurar instruments vegls, entant ch’ils auters s’occupan oravant tut cun la vendita, la locaziun ed il mantegniment d’instruments ad artg e da lur accessoris. En ils blers ateliers da construcziun da gìas è la construcziun da gìas sco tala mo ina pitschna part da la lavur.

Construidras da gìas reparan instruments ad artg: ellas remplazzan giufs ed accordaders, drizzan las claviaturas, restaureschan turnigls e collan urs. Collar sfessas, remplazzar culiezs u retuschar la vernisch dovra bler temp. Ina lavur da service frequenta è era quella da remplazzar ils chavels da l’artg.

Gìas, violas da bratsch, cellos e cuntrabass vegnan savens anc construids a maun. Maschinas vegnan utilisadas oravant tut en la fabricaziun industriala. Construiders da gìas elavuran il lain cun differents utensils: cun resgias, splaunas e cuntels, cun fiers d’entagliar chavs e plats da tut las grondezzas sco era cun raspas, glimas e nizzas da trair.

Il material da lavur il pli impurtant per construidras da gìas è il lain, cunzunt lain d’ischi da muntogna e lain da pign. Il lain d’ischi da muntogna vegn duvrà per il fund, las rischlas, il culiez ed il giuf, il lain da pign per la cuvrida cun las foras da resonanza, l'accordader e la trav dal bass. La claviatura è fabritgada or da lain d’eben.

La cuvrida ed il fund èn ad arvieut. Ils construiders da gìas als dattan la dretga grossezza e suenter als splaunan e nettegian els cun nizzas da trair. Las rischlas –las paraids lateralas dal corp da resonanza – vegnan stortas en la vapur cun agid da schablonas. Construiders da gìas collan la singula tocca cun colla chauda idrosolvibla. Uschia pon ins puspè prender dapart instruments che basegnan ina reparatura.

Construiders da gìas san sunar in instrument ad artg uschè bain ch’els pon giuditgar la qualitad acustica e tecnica d’in instrument.

Scolaziun

Basa legala

Ordinaziun federala 25-10-2016 (stadi dals 1-1-2018)

Durada

4 onns

Furmaziun en la pratica

A la Scola da construiders da gìas a Brienz (scola professiunala a temp cumplain) u en in atelier da construcziun da gìas

Furmaziun en scola

  • enconuschientschas professiunalas: a la Scola da construiders da gìas a Brienz (instrucziun en blocs)
  • furmaziun generala: a la Scola da sculpturs d’objects da lain a Brienz (instrucziun en blocs)
  • instrucziun instrumentala: tar musicists qualifitgads

Roms professiunals

  • scienza da materials
  • scienza d'iseglia
  • construcziun da gìas
  • mecanica
  • acustica
  • istorgia da la musica e da la construcziun da gìas
  • scienza generala d’instruments da musica
  • teoria da musica
  • instrucziun instrumentala
  • dissegn professiunal

Curs ordaifer il manaschi

Davart differents temas, tranter auter restauraziun, mantegniment d'artgs, applicaziun da maschinas e basa da la fotografia.

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "construider / construidra da gìas da professiun"

Premissas

Furmaziun preliminara
  • scola populara terminada cun pretensiuns mesaunas u autas

La Scola da construiders da gìas a Brienz pretenda che persunas interessadas absolvian ina procedura d’admissiun. La part pratica cumpiglia la lavur manuala cun lain, il dissegn ed il modellar. Ultra da quai ston ins savair sunar in instrument (da preferenza gìa, viola da bratsch u cello). Plinavant ston las persunas interessadas far ina controlla da l’udida e da la vesida, ina lavur en scrit ed in discurs d’examen.
La Scola da construiders da gìas a Brienz organisescha mintgamai il settember e l'october dis d'infurmaziun. Las datas exactas pon ins vesair sin la website da la scola.
Tgi che s’interessa per ina furmaziun da basa duala (furmaziun cun ina pratica professiunala en in atelier da construcziun da gìas) sto contactar la Scola da construiders da gìas a Brienz (purschidra da l’instrucziun professiunala e dals curs ordaifer il manaschi) avant che suttascriver il contract d’emprendissadi.

Pretensiuns
  • inschign manual
  • moda da lavur exacta
  • imaginaziun spaziala
  • senn per furmas e colurs
  • musicalitad e bun’udida
  • abilitad da sa concentrar
  • pazienza e perseveranza
  • buna demananza

Furmaziun supplementara

Curs

purschidas da la Scola da construiders da gìas a Brienz sco era da l’associaziun professiunala SVGB u da purschiders a l’exteriur

Examen professiunal superiur (EPS)

Maister / maistra da construcziun da gìas

Cundiziuns da lavur

Sper l’occupaziun en in atelier da construcziun da gìas pon construiders e construidras da gìas era lavurar en ina fatschenta da musica. Cun experientscha professiunala correspundenta pon ellas ed els er far expertisas e giudicats.

Las schanzas d’avrir in agen atelier da construcziun da gìas dependan fitg da la conjunctura.

Ulteriuras infurmaziuns

Associaziun svizra dals construiders da gìas e d’artgs SVGB
Schauenburgerstr. 37
4052 Basilea
Tel: +41 61 508 25 21
URL: www.geigenbauer.ch

Scola da construiders da gìas a Brienz
Oberdorfstrasse 94
3855 Brienz
Tel: +41 33 951 18 61
URL: www.geigenbauschule.ch




orientamento.ch