Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Spezialist / Spezialista per la promoziun dal moviment e da la sanadad AFQ

Spezialistas e spezialists per la promoziun dal moviment e da la sanadad mussan a lur clients exercizis da sa mover e da sa schluccar. Els dattan tips per in stil da viver sanadaivel e per dapli moviment en il mintgadi.

Lavurs

Spezialistas e spezialists per la promoziun dal moviment e da la sanadad lavuran per exempel en centers da fitness, en zonas da wellness d'hotels, en uniuns da sport, en instituziuns publicas u en studios da gimnastica. Lur finamira è da meglierar la qualitad da viver ed il bainstar da lur clientella. En pli porschan els cussegliaziuns, curs ed infurmaziuns davart il moviment, la recreaziun ed il nutriment.

Spezialists per la promoziun dal moviment e da la sanadad concepeschan programs da trenament e curs per persunas singulas u per gruppas. Els sclereschan l’emprim las disas e las circumstanzas da vita da lur clientella. Lura s'infurmeschan els davart ils giavischs e basegns. Per mintga situaziun elegian els pussaivladads da sa mover e modas da sa nutrir che promovan la sanadad. Els mussan a lur clientella exercizis da forza, da cundiziun e da coordinaziun e co duvrar correctamain ils urdains. Durant il trenament controlleschan els ils andaments dals moviments e la posiziun dal corp da la clientella. Els surveglian e documenteschan ils trenaments ed als adatteschan tenor basegn.

Spezialists per la promoziun dal moviment e da la sanadad infurmeschan lur clientella davart mesiras e products che promovan la sanadad. Els motiveschan e prendan encunter reclamaziuns e resuns. Savens vendan els era products u utensils da trenament. Els empostan ils products ed administreschan il deposit. Ultra da quai surpiglian els anc autras incumbensas d’administraziun: els tegnan à jour las adressas ed ils dossiers dals clients e fan ils rendaquints. Natiralmain resguardan els las prescripziuns legalas, per exempel la protecziun da datas.

Spezialists per la promoziun dal moviment e da la sanadad na stattan betg mo en stretg contact cun la clientella. Els tgiran er in barat regular cun ils collegas, ils superiurs, cun auters spezialists e cun firmas da furniziun.

Scolaziun

Basa legala

Ordinaziun federala 16-8-2011

Durada

3 onns

Furmaziun en la pratica

En in center da fitness u da la sanadad, en in studio da gimnastica u tar l’uffizi da sport

Furmaziun en scola

1.+ 2. onn: 2 dis l'emna a la scola professiunala 
3. onn: 1 di l'emna

Roms professiunals

  • Distincziun d'in stil da viver sanadaivel
  • registraziun da datas, formulaziun da finamiras, elavuraziun da concepts
  • realisaziun e valitaziun da concepts che promovan la sanadad
  • communicaziun cun la clientella, process dal manaschi
  • cussegliaziun e vendita
  • administraziun dal manaschi
  • nettezza, funcziunalitad, ecologia,  conturn da lavur segir
  • Curs ordaifer il manaschi

    Davart differents temas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "spezialista / spezialist per la promoziun dal moviment e da la sanadad AFQ"

Premissas

Furmaziun preliminara
  • scola populara terminada
Pretensiuns
  • esser gugent en contact direct cun umans
  • auta abilitad da communitgar
  • empatia
  • plaschair da sa mover
  • fitness corporala / movibilitad
  • interess da promover la sanadad
  • buna sanadad ed in stil da viver sanadaivel

Furmaziun supplementara

Curs

purschidas d’instituziuns en il sectur da la promoziun dal moviment e da la sanadad sco era da federaziuns e d'associaziuns professiunalas, p.ex. Federaziun svizra dals centers da fitness e da sanadad SFGV, Associaziun professiunala svizra per sanadad e moviment BGB u Associaziun svizra per sport da sanadad e terapia da sport SFGS, euv.

Spezialisaziun

p.ex. pedagog / pedagoga da moviment

Examen professiunal (EP)

p.ex. spezialist / spezialista da la promoziun dal moviment e da la sanadad, instructur / instructura da fitness cun certificat professiunal federal, trenader / trenadra da sport da prestaziun cun certificat professiunal federal, scolader / scoladra cun certificat professiunal federal

Examen professiunal superiur (EPS)

p.ex. manager / managera da turissem da sanadad e moviment cun diplom federal, trenader / trenadra da sport da prestaziun dipl.

Scola auta spezialisada (SAS)

cun furmaziun preliminara correspundenta: studis da bachelor e master en secturs parentads; p.ex. Bachelor of Arts (SAS) en musica e moviment, Bachelor / Master of Science (SAS) en fisioterapia, Bachelor of Science (SAS) en terapia psicomotorica, Bachelor / Master of Science (SAFSM) en sports, Bachelor of Science (SAS) en nutriment e dietetica, euv.

Cundiziuns da lavur

Spezialists per la promoziun dal moviment e da la sanadad lavuran en centers da wellness e da sanadad, en studios da gimnastica, tar uffizis da sport u uniuns, en hotels ed ulteriuras instituziuns da la promoziun dal moviment e da la sanadad. Lur purschidas sa drizzan ad umans cun impediments, ad uffants da vegliadetgna prescolara, a seniors e senioras u a collavuraturs d’ina firma.

Ulteriuras infurmaziuns

OdA Moviment e sanadad
Associaziun tetgala svizra da las professiuns da moviment,
Secretariat
3000 Berna
Tel: 0848 000 423
URL: www.bewegung-und-gesundheit.ch

Federaziun svizra dals centers da fitness e da sanadad SFGV
URL: www.bewegungsfachleute.ch

Associaziun professiunala svizra per sanadad e moviment BGB
URL: www.bgb-schweiz.ch



orientamento.ch