Vai al titolo

Spezialist / Spezialista da la tgira da textilias AFQ

Spezialists e spezialistas da la tgira da textilias AFQ èn responsabels en lavandarias da textilias per la tgira adequata da vestgadira, laschiva ed autras textilias. Els retschaivan incumbensas, cusseglian la clientella en tuts reguards da la tgira da textilias ed èn versads en il diever da chemicalias.

Lavurs

Els exequeschan suandantas lavurs:

Utilisar maschinas da nettegiar
  • duvrar e mantegnair professiunalmain las maschinas ed ils utensils da nettegiar
  • eliminar disturbis e problems da la maschina
  • resguardar las prescripziuns davart l'igiena, l’allontanament dal rument, l’utilisaziun da chemicalias u l’engaschament d’aua buglienta u vapur sco er davart la segirezza da la lavur e la protecziun da la sanadad e da l’ambient
Accent lavandaria da textilias
  • s'occupar da textilias sco chamischas, vestgids u giaccas da plimas da la clientella, nudar flatgs, isadas u defects e segnar la vestgadira
  • recumandar la clientella davart las pussaivladads e la durada da la lavandaria, registrar l’incumbensa e far ina quittanza da retratga
  • cussegliar la clientella cumpetentamain ed amicablamain cun lur savida davart la fibra, la taila, stampas ed applicaziuns la clientella
  • nettegiar tocca betg lavabla sco per exempel blusas da saida u mantels da plievgia cun chemicalias e dissolvents
  • tractar a maun polluziuns che na pon betg vegnir eliminadas maschinalmain, senza donnegiar la taila
  • tractar resuns e reclamaziuns
Accent lavandaria
  • lavar en pli gronds manaschis da lavandaria rauba da letg, tuaglias e laschiva da frottar da hotels, restaurants, chasas da tgira ed ospitals e vestgadira da professiun dal commerzi e da l’industria
  • sortir la laschiva furnida tenor colur, tip da taila ed intensitad da polluziun e tractar tenor basegns ordavant parts fitg smerdadas
  • tscherner la metoda da nettegiar adequata, calcular il volumen da la laschiva e chargiar la maschina
  • avant dad emballar e furnir la laschiva, la far ora cun il fier cun maschinas, far ora cun il fier a vapur e faudar la laschiva sientada

Scolaziun

Durada

3 onns

Accents

  • lavandaria da textilias
  • lavandaria gronda

Furmaziun en la pratica

En ina lavandaria da textilias

Furmaziun en scola

1 di per emna a la scola professiunala

Roms professiunals

  • elavuraziun da las incumbensas da la clientella
  • preparaziun da scharschas
  • tractament da las textilias
  • finida da las textilias
  • Curs ordaifer il manaschi

    Emprender ed exercitar a moda pratica la basa professiunala (13 dis ad onn)

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "spezialist / spezialista da la tgira da textilias AFQ"

Premissas

Furmaziun preliminara
  • temp da scola obligatoric terminà
Pretensiuns
  • plaschair vi da textilias
  • senn per urden e nettezza
  • fidadadad
  • enclegientscha tecnica
  • buna demananza
  • sensori per dumondas da la clientella
  • dun d’observaziun
  • nagins disturbis da la vesida da colurs
  • buna sanadad (ins lavura per gronda part en pe)

Furmaziun supplementara

Curs

purschidas da scolas spezialisadas e scolas professiunalas, da l’associaziun Textilpflege Schweiz VTS sco era da la Schweiz. Textilfachschule STF, Wattwil

Examen professiunal superiur (EPS)

p. ex. maister / maistra da textilias cun diplom federal

A l’exteriur

seminaris e workshops a l’institut da retschertga per tecnologia da nettegiament a Krefeld (Germania)

Cundiziuns da lavur

Tgiradras da textilias AFQ lavuran en lavandarias da textilias.

Ellas èn expertas tschertgadas cun bunas pussaivladads da promoziun sco manadras da filialas e da manaschis. Ellas han era bunas schanzas sco lavurantas independentas en in agen manaschi.

Ulteriuras infurmaziuns

Verband Textilpflege Schweiz VTS
Seilerstr. 22
Chascha postala
3001 Bern
Tel: +41 31 310 20 30
URL: www.textilpflege.ch




orientamento.ch