?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Lavori di manutenzione: sono previsti o in corso lavori di manutenzione sui server di orientamento.ch. Ulteriori informazioni.

Tecnolog / Tecnologa da textilias AFQ

Tecnologs e tecnologas da textilias s’occupeschan cun il design, il svilup, l’elavuraziun, la nobilisaziun e la controlla da fibras e products textils. Els utiliseschan indrizs e surveglian process. Tut tenor la direcziun spezialisada sa differenzieschan ils champs e lieus da lavur.

Lavurs

Els exequeschan suandantas lavurs:

en la direcziun design:
  • skizzar en las secziuns creativas da tessarias, manaschis da lavurs da stgaina e stamparias da textilias il design per differentas textilias ed al elavureschan al computer .
  • preparar ils designs per las cundiziuns tecnicas da la producziun e transponer ils formats digitals sin las maschinas da surcuser
En la direcziun elavuraziun:
  • sa participar a la fabricaziun ed elavuraziun da fibras, fils e diversas tailas
  • controllar ils materials, endrizzar e manevrar las maschinas da producziun ed eliminar disturbis
  • elavurar statisticas e rapports da controlla
  • manischar programs da computer, maschinas ed indrizs
en la direcziun nobilisaziun
  • sblatgir, colurar stampar e surtrair las fibras, ils fils e las textilias cun agid da chemicalias
  • endrizzar las maschinas da producziun e las manischar sche necessari
  • examinar las caracteristicas da las textilias, da las substanzas colurantas e da las chemicalias en il labor
en la direcziun da la tecnica da sugas e d’auzar:
  • producir sugas natiralas e sugas da fibra sinteticas sco era sugas da fildarom che vegnan utilisadas en differents secturs, per exempel en l’industria da construcziun, en l’agricultura, en l’economia forestala, en l’industria da maschinas, en la medischina sco era en la construcziun da pendicularas, en il secturs da traffic e transport
  • elavurar vinavant las sugas a maun u cun maschinas
en la direcziun da la mecatronica:
  • esser responsabels per las maschinas en l’interpresa da textilias
  • mantegnair las maschinas ed ils indrizs
  • exequir lavurs da lavuratori sco furar, glimar, volver u buglir
  • remplazzar e reparar tocca singula e gruppas da construcziun.

Scolaziun

Basa legala

Ordinaziun federala 6-12-2006 cun midadas ils 14-11-2011

Durada

3 onns

Direcziuns

  • producziun
  • nobilisaziun
  • design
  • tecnica da sugas e d’auzar
  • mecatronica

Furmaziun en la pratica

En in manaschi da l’industria da textilias

Furmaziun en scola

A la scola professiunala durant 1-2 dis per emna

Roms professiunals

  • enconuschientschas da products e materials
  • process
  • controlla, analisa
  • segirezza da la lavur, protecziun da la sanadad e da l’ambient
  • economia ed organisaziun dal manaschi
  • preparaziun da la lavur
  • meds da lavurar e meds auxiliars
  • segunda lingua
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "tecnolog / tecnologa da textilias AFQ"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha tecnica
  • senn per furmas e colurs
  • creativitad
  • abilitad da communitgar
  • moda da lavurar exacta
  • pazienza e perseveranza

Furmaziun supplementara

Curs

purschidas da scolas spezialisadas e scolas professiunalas, principalmain da la Schweiz. Textilfachschule STF a Son Gagl, Wattwil e Turitg

Examen professiunal (EP)

cun certificat professiunal: spezialist / spezialista da process, spezialist / spezialista da producziun, spezialist / spezialista da fashion, colurist / colurista

Examen professiunal superiur (EPS)

cun diplom federal: maister / maistra da textilias, maister / maistra d’industria, designer / designra da fashion

Scola spezialisada superiura (SSS)

p.ex. tecnicist / tecnicista textil SSS, interprendider / interprendidra da textilias SAS, concepider / concepidra SSS design da products

Scola auta spezialisada (SAS)

Direcziuns da studis en champs spezials parentads, p.ex. Bachelor of Arts (SAS) en design da products e d’industria, Bachelor of Science (SAS) en tecnica da maschinas. Tut tenor scola auta professiunala valan autras cundiziuns d'admissiun.
Direcziuns da studis a la STF (titel entras la University of West London): Bachelor (Hons) en Textile Business Management, Bachelor (Hons) en Fashion Design & Technology

Direcziuns da studis a la STF (titel entras la University of West London): Bachelor (Hons) en Textile Business Management, Bachelor (Hons) en Fashion Design & Technology

Cundiziuns da lavur

Malgrà la grondezza survesaivla da la branscha chattan tecnologs da textilias ina buna purschida da plazzas en l’industria da textilias e da vestgadira ed èn experts tschertgads.

Ulteriuras infurmaziuns

Swiss Textiles Textilverband Schweiz
Beethovenstr. 20
Postfach
8022 Zürich
Tel: +41 44 289 79 79
URL: www.textilberufe.ch

Schweiz. Textilfachschule STF
Hallwylstr. 71
8004 Zürich
Tel: +41 44 360 41 51
URL: www.stf.ch




orientamento.ch