Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Pulstrader industrial / Pulstradra industriala AFQ

Pulstradras industrialas e pulstraders industrials AFQ fan mobiglias da polster sco sutgas e canapés. Els dissegnan plans e schablonas, taglian tailas e material d’emplenir, cusan ensemen tocs singuls e surtiran ils elements da pulstrar cun taila u tgirom.

Lavurs

A mobiglias pulstradas faschain nus grondas pretensiuns: ellas duain esser cumadaivlas e bellas, ellas duain schanegiar il dies e duain esser elavuradas senza menda. Pulstradas industrialas e pulstraders industrials AFQ èn responsabels che questas spetgas vegnan ademplidas. Ozendi vegnan mobiglias pulstradas oravant tut producidas en fabricas. La lavur en ina fabrica da mobiglias pulstradas vegn per gronda part fatga a maun cun agid da maschinas modernas e meds auxiliars.

Per preparar la lavur e la producziun creeschan pulstraders industrials schablonas e plans da tagls e da cuser. Els applitgeschan differentas tecnicas da preschentaziun e resguardan la sort e la qualitad dal material da surtratga sco er il tip e l’elavuraziun da la cusadira. Las schablonas vegnan etichettadas cun las infurmaziuns ch’èn relevantas per la producziun.

L'intern d'in canapé consista d’ina purtadira da lain, da metal u da stgima dira. Questa purtadira vegn tratga si p.ex. cun tschintas, uschia ch’il sez e las surfatschas da pusar daventan elasticas. Per emplenir vegn duvrà material da plantas e d’animals, oravant tut dentant material sintetic.

Ils pulstraders industrials taglian tiers il material d’emplenir che vegn plunà en la purtadira. Silsuenter vegn il material d’emplenir cuvrì cun vatta per gulivar las malgulivezzas e schanegiar la vart sut da la taila.

Il material da surtratg dat a las mobiglias lur cumparsa finala. A disposiziun stattan textilias e differentas sorts da tgirom. Pulstraders industrials taglian il material da surtratga tenor plans e cun agid da schablonas, cusan ensemen la tocca e surtiran la surtratga a maun u cun la maschina.

Pulstraders industrials tegnan net il plaz da lavur e resguardan las prescripziun per la protecziun da l’ambient, da la sanadad e da la segirezza a la lavur.

Scolaziun

Basa legala

Ordinaziun federala 2-11-2010

Durada

3 onns

Furmaziun en la pratica

En ina fabrica da mobiglias pulstradas

Furmaziun en scola

In di l'emna a la scola professiunala

Roms professiunals

  • preparar il product e la lavur
  • producziun
  • segirezza a la lavur, protecziun da la sanadad, protecziun da l’ambient e mantegniment da la valur
  • Curs ordaifer il manaschi

    Davart differents temas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "pulstrader industrial / pulstradra industriala AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • sentiment per furmas e colurs
  • buna imaginaziun dal spazi
  • buna sanadad

Furmaziun supplementara

Curs

purschidas da scolas spezialisadas e professiunalas sco era da l’Associaziun svizra da l’industria da mobiglias

Examen professiunal (EP)

cun certificat professiunal federal: pulstrader spezialisà da mobiglia / pulstradra spezialisada da mobiglia, pulstrader da mobiglias industrial / pulstradra da mobiglias industriala, cussegliader / cussegliadra d'indrizs interns

Examen professiunal superiur (EPS)

maister pulstrader da mobiglias industrial / maistra pulstradra da mobiglias industriala

Scola spezialisada superiura (SSS)

tecnicist / tecnicista dipl. SSS planisaziun da construcziun, approfundaziun architectura d’interiurs

Scola auta spezialisada (SAS)

studis en champs parentads, p.ex. Bachelor of Arts (SAS) en architectura d’interiurs u Bachelor of Arts (SAS) en design industrial e da products

Cundiziuns da lavur

Cunquai che las pretensiuns al confort d’abitar creschan ad in crescher èn las perspectivas per pulstraders industrials AFQ bunas. La producziun da massa è vegnida spustada a l’exteriur, fertant ch’il svilup dals products e la preparaziun industriala vegnan anc adina fatgs en Svizra.

Ulteriuras infurmaziuns

Associaziun svizra da l’industria da mobiglias
Einschlagweg 2
Chascha postala 116
4932 Lotzwil
Tel: 062 919 72 42
URL: www.möbelschweiz.ch

Revista professiunala:
"Antenne"




orientamento.ch