Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Chalger / Chalgera d’ortopedia AFQ

Chalgeras e chalgers d’ortopedia fan chalzers sin mesira u chalzers da seria sco era chalzers spezials ortopedics. Els fan era correcturas e reparaturas. Ina part impurtanta da lur lavur è la cussegliaziun da la clientella.

Lavurs

Cun meds d’agid e products da la tecnica da chalzers ortopedica po la posiziun dal pe u dal corp vegnir curregida. Uschia pon umans cun ils pli differents problems chaminar senza avair mal ed a moda cumadaivla. Els dovran per exempel solas ortopedicas fabritgadas a moda individuala, chalzers spezials u sustegns. Las chalgeras d’ortopedia disponan da la savida necessaria per far quests products.

Avant ch'ils chalgers d’ortopedia exequeschan lur incumbensas, sclereschan els ils basegns da lur clientella e la cusseglian davart las differentas pussaivladads sco era davart ils custs. Els pon applitgar qua lur savida davart l’anatomia, la patologia e la biomecanica.

Planschan las clientas da mals che vegnan dals pes u da las chommas, da la schanuglia u dal chalun, tschertgan las chalgeras d’ortopedia il motiv e proponan mesiras adattadas. Quai pon per exempel esser agids da rullar giu il pe, correcturas d’absorbaziun e da posiziun, pulstradas dal nutigl u cumpensaziuns per chommas scursanidas. Ellas calculeschan exactamain co ch'insatgi passa e fan silsuenter ina skizza.

Per clients che na pon betg purtar chalzers da seria fan chalgers d’ortopedia chalzers sin mesira a maun da las datas definidas. Per quai fan els l’emprim in negativ da gip dal pe ch’els empleneschan cun stgima dira. Uschia datti in lesch che furma la basa per far il letg dal pe e da la sola.

Chalgeras d’ortopedia surpiglian era reparaturas da la sola, dal nutigl e reparaturas da la tecnica da chalzers ortopedica per chalzers da confecziun e chalzers spezials sco era chalzers ortopedics sin mesira e chalzers da seria. Ellas elavuran en quest connex material sco tgirom, gumma, materia sintetica, colla, chemicalias, textilias e corc. Quels materials dovran ellas a moda spargnusa ed als magasineschan professiunalmain.

Durant lur lavur da mintgadi tegnan ils chalgers d’ortopedia net lur plaz da lavur e resguardan las prescripziuns davart la protecziun da l’ambient, da la sanadad e da la segirezza da la lavur.

Scolaziun

Basa legala

Ordinaziun federala dal 1-10-2010 (versiun dal 1-1-2018)

Durada

4 onns

Furmaziun en la pratica

En in atelier per tecnica ortopedica da chalzers

Furmaziun en scola

1 di l'emna a la scola professiunala spezialisada a Zofingen

Roms professiunals

  • mastergn e tecnologia
  • cussegliaziun da la clientella
  • segirezza da la lavur
  • protecziun da la sanadad
  • protecziun da l’ambient
  • tenuta da las valurs

Curs ordaifer il manaschi

Davart differents temas

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "chalger / chalgera d’ortopedia AFQ"

Premissas

Furmaziun preliminara
  • scola obligatorica terminada cun pretensiuns mesaunas u autas
Pretensiuns
  • inschign manual
  • chapientscha tecnica
  • bun sentiment per materials
  • sentiment per furmas e colurs
  • moda da lavur conscienziusa
  • pazienza e perseveranza
  • buna demananza

Furmaziun supplementara

Curs

purschidas da scolas spezialisadas e professiunalas sco era da l’Associaziun Pe e chalzer

Examen professiunal superiur (EPS)

maister chalger / maistra chalgera d’ortopedia

Scola auta spezialisada (SAS)

studis en secturs spezials parentads, p.ex. Bachelor of Arts (SAS) en design da products ed en design industrial

Cundiziuns da lavur

Chalgers e chalgeras d’ortopedia lavuran en ateliers da la tecnica da chalzers ortopedica u en clinicas ortopedicas.

Suenter ina furmaziun supplementara correspundenta pon chalgers d’ortopedia avrir in agen atelier per tecnica da chalzers ortopedica.

Ulteriuras infurmaziuns

Associaziun svizra Pe e Chalzer SSOMV
Tribschenstrasse 7
Chascha postala 3065
6002 Lucerna
Tel: +41 41 368 58 09
URL: www.fussundschuh.ch

Revista professiunala:
"Fuss & Schuh"



orientamento.ch