?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Chalger / Chalgera AFQ

Chalgeras e chalgers AFQ reparan chalzers, fan pitschnas correcturas vi da chalzers ortopedics e produceschan chalzers sin mesira. Latiers cusseglian els clientella e calculeschan custs.

Lavurs

Els exequeschan suandantas lavurs:

Reparar chalzers:
  • lavurar cun materials sco tgirom, gumma, material sintetic, colla, textilias e corc sco era magasinar tut quai en moda cumpetenta.
  • remplazzar ils pizs dals chalzers, midar solas e tatgs
  • montar paraglischnaders
  • far reparaturas dal nutigl, pia la part sura dal chalzer
  • remplazzar anzas e serranetgas
  • applitgar futterals egl intern u cuser da nov las cusadiras vedras
Far correcturas ortopedicas
  • auzar ils tatgs e las solas per gulivar las differentas lunghezzas da las chommas u per curreger posiziuns falladas dal corp
  • pulstrar smatgadas
  • montar agids per rudlar giu il pe
  • avair enconuschientschas en l'anatomia e la patologia
Tegnair schuber e mantegnair il lavuratori
  • nettegiar il plaz da lavur
  • mantegnair maschinas e guaffens (p.ex. apparat da rebatter, maschinas da mular, maschinas da cuser u apparats da schlargiar, forschs da tgirom,  zangas da morder, molas) ed als pinar.
Cussegliar la clientella
  • cusseglian la clientella areguard reparaturas adattas e la tgira dals chalzers
  • vender en lur negozi products supplementars sco curegias e products da nettegiar

Scolaziun

Basa legala

Ordinaziun federala dal 1-10-2010 (versiun dals 15-10-2018)

Durada

3 onns

Furmaziun en la pratica

En lavuratoris da chalgers u en lavuratoris da chalgers ortopedics

Furmaziun en scola

1 di l'emna a la scola professiunala spezialisada a Zofingen

Roms professiunals

  • artisanadi e tecnologia;
  • cussegliaziun da clientella;
  • segirezza da lavur,
  • protecziun da la sanadad
  • protecziun da l'ambient,
  • tenuta da valurs

Curs ordaifer il manaschi

Davart differents temas

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "chalger / chalgera AFQ"

Premissas

Furmaziun preliminara
  • Temp da scola obligatoric terminà
Pretensiuns
  • inschign manual
  • bun sentiment per materials
  • sentiment per furmas e colurs
  • moda da lavurar exacta
  • buna demananza

Furmaziun supplementara

Curs

purschidas da scolas spezialisadas e professiunalas e da l'Associaziun Pe e chalzer

Furmaziun da basa scursanida

chalger / chalgera d'ortopedia AFQ (access al terz onn da la furmaziun da basa)

Examen professiunal superiur (EPS)

maister chalger d'ortopedia / maistra chalgera d'ortopedia (via emprendissadi supplementar da chalger / chalgera d’ortopedia AFQ)

Scola auta spezialisada (SAS)

studis en champs parentads, p.ex. Bachelor of Arts (SAS) en design da products ed en design industrial

Cundiziuns da lavur

Chalgeras e chalgers  lavuran oravant tut en lavuratoris da chalgers u en lavuratoris da chalgers ortopedics, en manaschis da reparatura da chalzers u en l'industria da chalzers.

Ulteriuras infurmaziuns

Associaziun pe e chalzer SSOMV
Tribschenstrasse 7
Chascha postala 3065
6002 Lucerna
Tel: +41 41 368 58 09
URL: www.fussundschuh.ch



orientamento.ch