Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Spezialist / Spezialista da tgirom e textilias AFQ

Spezialists e spezialistas da tgirom e textilias AFQ da tgirom e textilias fabritgeschan artitgels da tgirom e d’autras materialias. Els concepeschan lur products, realiseschan giavischs da la clientella, fan midadas e repareschan. Ils products sa differenzieschan tut tenor la direcziun speziala.

Lavurs

Spezialists e spezialistas da tgirom elavureschan differentas materialias. Tut tenor il product tschernan els tgirom ferm e resistent u tgirom fin e lom. Ultra da quai elegian els per mintga material las maschinas ed ils instruments adequats. Dal sboz fin a la surdada al clients planiseschan e calculeschan els mintga lavur conscienziusamain.

Spezialists da tgirom e textilias produceschan unicats u pitschnas serias. Els sviluppeschan l’emprim ils prototips e creeschan ils models. Els pon transponer furmas e s’imaginar la realisaziun da sbozs dissegnads. Per la fabricaziun tschernan els il material adequat ed al taglian tenor il model da tagl. Tut tenor l’artitgel utiliseschan els tocca da metal sco ferradira ed anzas e material d’emplenir. Els lavuran per part a maun e per part cun maschinas.

La professiun da spezialists da tgirom e textilias sa sparta en trais direcziuns spezialas: En la direcziun speziala da l’equitaziun vegnan fabritgads artitgels da tgirom per il sport da chavals, per l’agricultura u per l’alpinissem, per exempel sellas, chavazzinas u cumets. Tar tut quai tegnan ils spezialists da tgirom e textilias quint da l’anatomia da l'uman e da l'animal.

En la direcziun da vehichels e tecnica elavureschan spezialists da tgirom e textilias l’equipament interiur ed ils plimatschs da seser d’autos, da bartgas u d’eroplans. Plinavant fabritgeschan els artitgels tecnics sco filters da tessì spezial u culs textils. Quests products da hightec vegnan per exempel cumprads da l’industria da stampa, da la tecnica da medischina, da l’industria da victualias u da l’industria farmaceutica.

Spezialists da tgirom e textilias en la direcziun speziala da rauba da tgirom fin fabritgeschan, modifitgeschan e repareschan tastgas, mappas, bursas, etuis per bischutaria ed artitgels sumegliants. Tar tut quai è impurtant in bun senn per furmas, colurs e materials sco er in flair per la moda.

En la fatschenta da vendita cusseglian spezialists da tgirom e textilias la clientella. Els resguardan ils giavischs e basegns dals clients ed als infurmeschan davart differents materials e differentas pussaivladads da fabricaziun.

Scolaziun

Basa legala

Ordinaziun federala Ordinaziun federala 5-5-2011

Durada

3 onns

Direcziuns

  • equitaziun
  • vehichels e tecnica
  • rauba da tgirom fin

Furmaziun en la pratica

En ina sellaria, en ina sellaria da carossarias u en in manaschi da fabricaziun da rauba da tgirom

Furmaziun en scola

1 di l'emna a la scola professiunala

Roms professiunals

  • planisaziun ed organisaziun dals pass da lavur tenor ils basegns dal martgà e da la clientella
  • prescripziuns davart la segirezza da la lavur e l’ecologia
  • determinaziun, elavuraziun e tgira da tgirom, textilias e materialias
  • utilisaziun e tgira dals guaffens e da las maschinas
  • concepziun, fabricaziun e reparaziun da products da tgirom e da textilias
  • Curs ordaifer il manaschi

    Davart differents temas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "spezialist / spezialista da tgirom e textilias AFQ"

Premissas

Furmaziun preliminara
  • scola populara terminada
  • bunas prestaziuns en quints e geometria
Pretensiuns
  • inschign manual
  • senn per furmas e colurs
  • talent da dissegnar
  • movibladad corporala
  • pazienza e perseveranza

Furmaziun supplementara

Curs

purschidas da scolas spezialisadas e scolas professiunalas sco l'associaziun "Leder Textil Schweiz VLTS"

Examen professiunal superiur (EPS)

maister / maistra da tgirom e textilias

Scola auta spezialisada (SAS)

direcziuns da studi en champs spezials parentads, p.ex. Bachelor of Arts (SAS) en design da products e d’industria u Bachelor of Arts (SAS) en architectura d’interiurs

Cundiziuns da lavur

Spezialists e spezialistas da tgirom e textilias AFQ lavuran tut tenor la direcziun speziala en sellarias, en sellarias da carossarias u en manaschis da fabricaziun da rauba da tgirom.

Ulteriuras infurmaziuns

Verband Leder Textil Schweiz VLTS
Chascha postala
6252 Dagmersellen
Tel: 062 756 49 43
URL: www.ig-letex.ch




orientamento.ch