Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Spezialist / Spezialista da communicaziun d'hotellaria AFQ

Spezialists e spezialistas da communicaziun d’hotellaria lavuran a la recepziun e s’occupan dals giasts. Els enconuschan ils process en ils differents champs d’in hotel e san gidar en cas da basegn en tut las partiziuns. En il backoffice surpiglian els lavurs da marketing e da communicaziun.

Lavurs

La recepziun è il center e la carta da visita da mintga hotel. Là è er il lieu da lavur da spezialistas e spezialists da communicaziun d’hotellaria. A la recepziun retschaivan els ils giasts ed als infurmeschan davart ils servetschs da l’hotel. Cura ch’ils giasts turnan puspè a chasa, s’infurmeschan ils spezialists da communicaziun d’hotellaria, sch’ils giasts èn stads cuntents cun las prestaziuns da l’hotel. Els annulleschan la chombra, mettan a quint l’import ch’ils giasts pajan en general cun la carta da credit e prendan cumià dals giasts.

La lavur dals spezialists da communicaziun d’hotellaria è orientada als giasts. Per s’occupar dals giasts a moda optimala enconuschan els tut las partiziuns d’in hotel. Durant la furmaziun da basa en la restauraziun emprendan els co ch’il service funcziuna. Els enconuschan il menu, san recumandar vins; medemamain san els co derscher en vin e co dustar giud maisa. En la cuschina emprendan els differentas metodas da cuschinar e san silsuenter er cuschinar simplas tratgas. En il servetsch d’etascha emprendan els da nettegiar a moda professiunala.

La communicaziun cumpetenta cun ils giasts è evidenta e perquai disponan spezialists da communicaziun d’hotellaria da fitg bunas enconuschientschas da linguas a scrit ed a bucca en tudestg ed en englais ed en in’ulteriura lingua. Sco spezialists da communicaziun realiseschan els ultra da quai er campagnas da marketing e da communicaziun. Per exempel planiseschan ed organiseschan els offertas spezialas per giasts, tgiran ils canals da social-media da l’hotel u mettan online il menu actual.

En il backoffice gidan spezialists da communicaziun d’hotellaria d’exequir lavurs administrativas. Els administreschan datas da manaschi, da la clientella e dals collavuraturs, surpiglian simplas lavurs da contabilitad e liquideschan correspundenza interna ed externa. Cun lur savida dals process interns dal manaschi sco er cun lur servetschs e cussegliaziuns als giasts han spezialists da communicaziun d’hotellaria in’impurtanta rolla en in hotel.

Scolaziun

Basa legala

Ordinaziun federala 11-10-2016

Durada

3 onns

Furmaziun en la pratica

En in hotel

Furmaziun en scola

Tut tenor onn da scolaziun: 1 fin 2 dis per emna a la scola professiunala

Roms professiunals

  • cussegliar e s’occupar dals giasts e dals partenaris
  • garantir persistenza e las prescripziuns da qualitad
  • crear ed organisar mesiras da marketing e cooperaziuns
  • organisar e realisar process en las lavurs administrativas

Curs ordaifer il manaschi

emprender ed exercitar a moda pratica la basa professiunala

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "spezialist/spezialista da communicaziun d’hotellaria AFQ"

Premissas

Furmaziun preliminara
  • scola populara terminada
Pretensiuns
  • plaschair vi dal contact cun umans
  • dun da linguas a bucca ed a scrit
  • enconuschientschas da linguas estras
  • buna demananza
  • talent d’organisaziun
  • vista globala
  • senn per l’urden
  • abilitad da supportar squitsch en situaziuns hecticas
  • plaschair vi da lavurs al computer

Furmaziun supplementara

Curs

purschidas da hotelleriesuisse, GastroSuisse e da scolas spezialisadas superiuras

Emprendissadi scursanì

spezialist/spezialista d’hotellaria AFQ, spezialist/spezialista da restauraziun AFQ, cuschinier/cuschiniera AFQ

Examen professiunal (EP)

cun certificat professiunal: schef/scheffa da recepziun, manader/manadra restauraziun, manader/manadra da sectur en hotellaria-economia da chasa

Examen professiunal superiur (EPS)

manader/manadra dipl. da restauraziun, manader/manadra dipl. hotellaria-economia da chasa

Scola spezialisada superiura (SSS)

hotelier/hoteliera dipl. SSS, restauratur/restauratura dipl. SSS

Scola auta spezialisada (SAS)

Bachelor of Science (SAS) in International Hospitality Management

Cundiziuns da lavur

Spezialists da communicaziun d’hotellaria lavuran a la recepziun da hotels da 2 fin 5 stailas u en pitschens hotels da famiglia en regiuns da turissem, en citads grondas u en regiuns ruralas. Bunas enconuschientschas da linguas èn per questa professiun indispensablas. Ultra da quai pon spezialists da communicaziun d’hotellaria cun bunas enconuschientschas da linguas er surpigliar engaschaments en autras regiuns da la Svizra u en l’exteriur.

Il temp da lavur en la hotellaria è irregular. La professiun pretenda flexibilitad e grond engaschi persunal, en spezial durant la fin d’emna. Tut tenor manaschi variescha il squitsch da lavur da stagiun tar stagiun.

Ils spezialists da communicaziun d’hotellaria han bunas schanzas sin il martgà da lavur.

Ulteriuras infurmaziuns

Hotelleriesuisse
Monbijoustr. 130
Postfach
3001 Bern
Tel: 031 370 41 11
URL: www.berufehotelgastro.ch

GastroSuisse
Nachwuchsmarketing
Blumenfeldstr. 20
Postfach
8046 Zürich
Tel: 0848 377 111



orientamento.ch