?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Equipader / Equipadra da stampa AFQ

Equipaders ed equipadras da stampa produceschan products sco chalenders, broschuras, plans, prospects, illustradas e gasettas. Els endrizzan surtut indrizs da producziun dirigids electronicamain e planiseschan, dirigian e controlleschan la procedura.

Lavurs

Els exequeschan suandantas lavurs:

Fabritgar products
  • producir ord artgas da palpiri stampadas products sco gasettas, illustradas cudeschs, plans, prospects e chalenders
  • tagliar e faudar il palpiri, embustir broschuras ed elavurar gasettas
  • eleger material e tailas che vegnan stampadas per l'elavuraziun
  • resguardar la segirezza da la lavur, la protecziun da sanadad e da l'ambient durant la realisaziun dals products
  • lavurar cun auters manaschis e communitgar cun ils collavuraturs e la clientella
Endrizzar ils indrizs da producziun
  • endrizzar e duvrar en moda cumpetenta ils indrizs da producziun che vegna per il solit dirigids electronicamain
  • planisar, diriger e controllar proceduras da lavur
  • survegliar maschinas e tscherner las dretgas mesiras tar disturbis
  • mantegnair las maschinas

Scolaziun

Basa legala

Ordinaziun federala 14-07-2021

Durada

3 onns

Furmaziun en la pratica

En ina stamparia, en in manaschi da la finiziun dals stampads u en ina liaria

Furmaziun en scola

En media 1½ dis l'emna (2 dis en il 1.onn d'emprendissadi, 1 ½  di en il segund onn d'emprendissadi, 1 di en il 3. onn d'emprendissadi)

Roms professiunals

  • realisaziun da mesiras accumpagnantas a la producziun
  • exequir incaricas da la finiziun da stampads
  • mantegnair las maschinas da la finiziun da stampads

Curs ordaifer il manaschi

Emprender ed exercitar las basas professiunalas a moda pratica

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "Equipader/ equipadra stampadas AFQ"

Premissas

Furmaziun preliminara
  • Temp da scola obligatoric terminà
Pretensiuns
  • chapientscha da la tecnica, plaschair da lavurar cun maschinas cumplexas
  • bun dun d'imaginaziun e pensar logic
  • moda da lavurar precisa e netta
  • grond senn per responsabladad
  • chapientscha pratica
  • inschign manual

Furmaziun supplementara

Curs

purschidas d'associaziuns e scolas spezialisadas e professiunalas

Examen professiunal (EP)

commerzianta da tipografia cun certificat professiunal federal, spezialist per medias stampadas cun certificat professiunal federal

Examen professiunal superiur (EPS)

managera da publicaziuns cun diplom federal, manader da fatschenta cun diplom federal

Scola spezialisada superiura (SSS)

Curs da furmaziun en roms parentads, p.ex. tecnicista dipl. SSS medias

Scola auta spezialisada (SAS)

Percurs da studi en roms parentads, p.ex. Bachelor of Science (SAS) en inschigneria da medias. Tut tenor scola auta spezialisada valan autras cundiziuns d'admissiun.

Cundiziuns da lavur

Equipaders e equipaderas da stampa lavuran en stamparias, en manaschis da la finiziun dals stampads u en ina liaria. En la finiziun dals stampads vegn il dumber da las plazzas d'emprendissadi a crescher ils proxims onns. Dumandadas sin il martgà da lavur èn persunas flexiblas che pon reagir sin svilups tecnics e ch'èn prontas da surpigliar responsabladad.

Ulteriuras infurmaziuns

viscom – Verband der Print- und Medienindustrie
Weihermattstrasse 94
5000 Aarau
Tel:+41 58 225 55 00
URL: www.viscom.ch




orientamento.ch