?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Practicist / Practicista da stuccatura AFP

Practicistas e practicists da stuccatura lavuran sin plazzals da renovaziun e da construcziuns novas tant a l’interiur sco er a l’exteriur dals edifizis. Els surtiran paraids e palantschieus sura. Questa lavur numn'ins smaultar. Els isoleschan chasas cunter fradaglia e las protegian da umiditad. Els gidan d'embellir las surfatschas cun stuccaturas.

Lavurs

Els exequeschan suandantas lavurs:

Preparaziun dal plazzal
  • examinar ils plans dals architects e suandar las instrucziuns dals capolavurers
  • prender la mesira da la surfatscha da lavur e calcular la quantitad necessaria dal material
  • organisar il transport dal material e dals guaffens e deponer tut precautamain sin il plazzal
  • controllar il stadi da las paraids ed ils palantschieus sura e far emprimas lavurs da preparaziun en cas da necessitad (p.ex. isolar e stuppar)
  • curclar parts da construcziun e palantschieus, p.ex. cun folia u crep da picturs
Sin il plazzal
  • liar giu (surtrair) a maun u cun guaffens e maschinas pitschnas paraids internas e palantschieus
  • eriger paraids da construcziun a sitg ord plattas da gip u auters materials
  • montar roms da metal vid ils palantschieus e fixar londervi plattas da gip semtgadas ordavant
  • montar revestgiments exteriurs vid las paraids exteriuras
  • isolar paraids e palantschieus ed als proteger da fieu ed umiditad
  • decorar las surfatschas cun stuccaturas (ornaments), p.ex. cun glistas, rosettas u curnischs
  • allontanar liadiras u mirs da separaziun u pinar surfatschas e stuccaturas durant lavurs da renovaziun
  • rumir il plaz da lavur, nettegiar ils guaffens e dismetter il material e rument restant adattà a l'ambient

Scolaziun

Basa legala

Ordinaziun federala 22-7-2014

Durada

2 onns

Furmaziun en la pratica

En in manaschi da stuccatura

Furmaziun en scola

Curs da bloc en il center da scolaziun da l'Associaziun svizra dals interprendiders picturs ed interprendiders da stuccatura SMGV a Wallisellen ZH (10 curs da bloc da mintgamai in’emna per onn da scolaziun). Per emprendists che abiteschan lunsch davent stattan a disposiziun albierts.

Roms professiunals

  • planisaziun, preparaziun e rapport da las lavurs
  • smaultar e montar plattas da construcziun en gip
  • garanzia da la segirezza da la lavur, da la protecziun da la sanadad e da la protecziun da l’ambient
  • Curs ordaifer il manaschi

    Emprender ed exercitar la basa professiunala

    Diplom

    Attestat federal professiunal "practicist / practicista da stuccatura"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha pratica
  • forza fisica
  • conscienza da servetschs
  • nagina tema d’autezza

Furmaziun supplementara

Curs

purschidas da scolas spezialisadas e professiunalas sco era da l'Associaziun svizra dals interprendiders picturs ed interprendiders da stuccatura SMGV

Stuccatur e construider / Stuccatura e construidra da materialias sitgas AFQ

Practicists da stuccatura AFP pon absolver ina furmaziun scursanida sco stuccatur e construider da materialias a sitgas AFQ (access al segund onn da la furmaziun). Suenter han els las medemas pussaivladads da furmaziun supplementara sco stuccaturs e construiders da materialias a sitgas AFQ .

Cundiziuns da lavur

Practicistas e practicists da stuccatura lavuran en manaschis da stuccatura. Quai èn savens manaschis pitschens e manaschis mesauns cun 2 fin 20 collavuraturs. La lavur po esser fitg strentga per il corp. Practicists e practicistas da stuccatura lavuran da tutt'aura dadens ed or en il liber.

En la branscha da construcziun èn persunas qualifitgadas fitg tschertgadas. Els han perquai bunas schanzas da chattar in plazza da lavur.

Ulteriuras infurmaziuns

Associaziun svizra dals interprendiders picturs ed interprendiders da stuccatura SMGV
Grindelstr. 2
Chascha postala 73
8304 Wallisellen
Tel: +41 43 233 49 00
URL: www.gipser-werden.ch




orientamento.ch