Vai al titolo

Montader / Montadra da storas AFQ

Lavurs

Els exequeschan suandantas lavurs:

Preparar lavurs e far empustaziuns
  • leger e chapir ils plans da las architectas
  • mesirar exactamain al lieu ils roms da las fanestras, las terrassas, ils balcuns u las vitrinas
  • marcar sin ils plans las posiziuns futuras da las colliaziuns electricas da las storas automaticas
  • cussegliar la clientella davart differentas storas e sistems, per exempel davart indrizs manuals u automatics, storas interiuras u exteriuras sco er material, furma e colur da las storas
  • far offertas e fixar termins
  • empustar ils sistems tschernids e controllar la furniziun
  • organisar il transport dal material tar la clientella u sin il plazzal
Montar storas e sistems
  • far las puntanadas ch'i dovra per montar las storas e segirar ils conturns
  • montar, adattar u fixar las lingias, las fermanzas e las fixaziuns, tut tenor il tip da storas u da sistems che vegn montà
  • programmar il telecumond da las storas automaticas, resguardond facturs sco l'irradiaziun dal sulegl, la fermezza dal vent u la plievgia
  • observar las infurmaziuns ed instrucziuns dals furniturs sco er ils standards da segirezza e las prescripziuns legalas
  • testar ils sistems ed ils indrizs, far adattaziuns e silsuenter metter en funcziun tals
  • explitgar a la clientella, co che las storas ed ils sistems funcziunan
Tgira e reparaturas
  • examinar il stadi da las storas e dals sistems da parasulegl
  • demontar e nettegiar storas, remplazzar tocs defects
  • dismetter ruments en moda ecologica
  • meglierar, midar u automatisar sistems gia montads
  • recumandar products da substituziun sche necessari
  • nettegiar e tgirar apparats ed iseglia

Scolaziun

Durada

3 onns

Furmaziun pratica professiunala

en in manaschi da la branscha da la mantellada d'edifizis

Furmaziun en scola

curs da bloc en las scolas professiunalas spezialisadas ad Uzwil/SG u a Les Paccots/FR

Cuntegns didactics

  • prescripziuns e mesiras da la segirezza a la plazza da lavur, da la protecziun da la sanadad e da l'ambient
  • montar stresas e sistems vi dals mirs exteriurs d'in edifizi
  • planisar e preparar storas
  • montar, tgirar e reparar storas

Curs intermanaschials

emprender la lavur pratica ed exercitar las basas professiunalas, 30–37 dis durant 3 onns.

Maturitad professiunala

Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun fundamentala.

Diplom

Montader / Montadra da storas AFQ

Premissas

Furmaziun preliminara
  • terminà scola obligatorica
Pretensiuns
  • inschign manual
  • chapientscha tecnica
  • abilitad da lavurar en in team
  • chapientscha pratica
  • imaginaziun tridimensiunala
  • constituziun sauna e ferma
  • agilitad
  • senza sturnizi

Furmaziun supplementara

Curs

purschidas da scolas spezialisadas e da scolas professiunalas spezialisadas, dal Center da furmaziun Policonstrucziun sco er d'interpresas da la branscha da la mantellada d'edifizis

Furmaziun fundamentala scursanida

emprendissadi supplementar sco isolatur/-a AFQ, cuvratetgs AFQ, constructur/-a da fatschadas AFQ u montader/-dra da puntanadas AFQ

Examen professiunal (EP)

cun certificat professiunal federal: manader / manadra da construcziun da paraids e mirs exteriurs, cussegliader energetic / cussegliadra energetica en edifizis u manader / manadra da project en montascha solara

  • manader/-dra da construcziun da la mantellada d'edifizis
  • cussegliader/-dra energetic/-a d'edifizis
  • manader/-dra da project per la montascha d'indrizs solars
  • manader/-dra da project per parasulegls

Scola spezialisada superiura (SSS)

scolaziuns en secturs specifics parentads, p.ex. tecnicist/-a SSS direcziun da construcziun

Scola auta spezialisada (SAS)

studis en secturs specifics parentads, p.ex. bachelor of science en inschigneria da construcziun Tut tenor la scola auta spezialisada valan differentas cundiziuns d'admissiun.

Relaziuns da lavur

Las montadras ed ils montaders da storas lavuran sulets u en dus. Els lavuran tenor in plan fixà. Per far reparaturas van els tar la clientella e fan las lavurs al lieu, pia en abitaziuns privatas u en manaschis. Sin gronds plazzals, per exempel da chasas da pliras famiglias e da scolas, fan els part dal team da montascha e coordineschan lur lavurs cun auters mastergnants.

La gronda part da las montadras e dals montaders da storas lavuran en manaschis da construcziun pitschens e mesauns, ch'èn sa spezialisads sin storas. Suenter intgins onns experientscha professiunala pon montadras e montaders da storas surpigliar posiziuns da gronda responsabladad, per exempel sco manadra da team, manader da montascha, collavuratura da vendita u cussegliader da clientella. Ultra da quai han els la pussaivladad da fundar in'atgna firma e da lavurar en moda independenta.

Ulteriuras infurmaziuns

Uniun Polybau
9240 Uzwil
Tel: +41 71 955 70 41
URL: www.polybau.ch




orientamento.ch