Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Isolatur / Isolatura AFQ

Isolaturs ed isolaturas protegian edifizis cun tetgs plats d’influenzas da l’aura. Els n'isoleschan dentant betg mo construcziuns da tetg pretensiusas, mabain construeschan er cuvridas da terrassas, inverdeschan surfatschas da tetgs u isoleschan tunnels.

Lavurs

Tetgs plats pon vegnir duvrads oz en modas multifaras, per exempel sco terrassa da tetg, surfatscha verda, parcadi u per la producziun dal current solar. Isolaturs procuran che tetgs plats sajan impermeabels e protegian l’edifizi uschia d’influenzas da l’aura. Cun bitum, asfalt culà, materia sintetica ed autras materialias isoleschan els filadiras ed auters tocs da colliaziun.

Durant la lavur cun bitum tschentan isolaturas las materialias en sdrimas. Cun il brischader da gas stgaudan ellas la part sut da las sdrimas da bitum. Uschia vegn il material lom e sa collia cun il fundament. Las sdrimas tschentadas collian ellas cun las buglir ensemen. Tar tut quai ston ellas lavurar exactamain cunquai che gia largias pitschnas pon chaschunar ch’in tetg plat è permeabel.

Cun lur lavur procuran isolaturs ch’i vegnia duvrà damain energia e creeschan uschia ina buna atmosfera per viver e lavurar. Lur savida n’è betg mo dumandada en la construcziun auta, mabain cunzunt er tar construcziuns cumplexas d’inschigneria sco punts u tunnels.

Isolaturas san ir enturn cun instrucziuns da montascha. Ultra da quai enconuschan ellas las prescripziuns e normas davart la construcziun e san skizzar surfatschas. Ellas calculeschan las materialias necessarias e san co las utilisar.

Isolaturs ed isolaturas lavuran adina puspè a l’autezza. Els enconuschan ils privels dal plazzal e resguardan adina las prescripziuns davart la segirezza da la lavur e la prevenziun d’accidents.

Scolaziun

Basa legala

Ordinaziun federala 21-10-2016 (versiun dal 1-1-2018)

Durada

3 onns

Furmaziun en la pratica

En in manaschi da la branscha da paraids e mirs exteriurs d’edifizis

Furmaziun en scola

Curs en bloc a las scolas professiunalas ad Uzwil/SG u a Paccots/FR

Roms professiunals

  • prescripziuns e mesiras davart la segirezza da lavur e la protecziun da la sanadad e da l’ambient
  • installaziun da stresas e sistems vi da paraids e mirs exteriurs
  • planisaziun e preparaziun da las lavurs d’isolaziun
  • tschentar, mantegnair e reparar ils sistems d’isolaziun
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Cun fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "isolatur / isolatura AFQ"

Premissas

Furmaziun preliminara
  • scola obligatorica terminada cun pretensiuns da basa
Pretensiuns
  • inschign manual
  • chapientscha pratica
  • chapientscha tecnica
  • imaginaziun dal spazi
  • constituziun sauna e robusta
  • agilitad
  • senza sturnizi
  • abilitad da lavurar en in team
  • moda da lavurar exacta
  • perseveranza
  • plaschair vi da la lavur en il liber

Furmaziun supplementara

Curs

purschidas da scolas spezialisadas e scolas professiunalas, da l’uniun Polybau sco era d'interpresas da la branscha da paraids e mirs exteriurs d’edifizis

Furmaziun da basa scursanida

  • emprendissadi supplementar d’in onn sco cuvratetgs AFQ u sco constructur / constructura da fatschadas AFQ
  • emprendissadi supplementar da dus onns sco constructur / constructura da puntanadas AFQ, montader / montadra da storas AFQ u sco toler / tolera AFQ

Examen professiunal (EP)

cun diplom federal: manader / manadra da construcziun da paraids e mirs exteriurs, cussegliader energetic / cussegliadra energetica en edifizis u manader / manadra da project en montascha solara

Examen professiunal superiur (EPS)

maister / maistra en policonstrucziun

Scola spezialisada superiura (SSS)

curs da furmaziun en champs parentads, p. ex. tecnicist / tecnicista dipl. SSS surveglianza da construcziun

Scola auta spezialisada (SAS)

studis en champs parentads, p. ex. Bachelor of Science SAS en inschigneria da construcziun (direcziun paraids e mirs exteriurs) a la Scola auta Lucerna

Cundiziuns da lavur

Isolaturs ed isolaturas lavuran en manaschis da la branscha da paraids e mirs exteriurs d'edifizis u en manaschis d’isolaziun. Quai èn per gronda part manaschis pitschens u mesauns.

Isolaturs pon era lavurar en manaschis industrials che fabritgeschan products per paraids e mirs exteriurs d'edifizis.

Ulteriuras infurmaziuns

Uniun Polybau
Lindenstr. 4
Chascha postala
9240 Uzwil
Tel: +41 71 955 70 41
URL: www.polybau.ch




orientamento.ch