?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Tschentaplattas AFQ

Tschentaplattas tschentan plattas da cheramica, mosaic, crap natiral e crap artifizial sin palantschieus, paraids u stgalas d’edifizis. Els lavuran en edifizis novs e tar renovaziuns.

Lavurs

Els exequeschan suandantas lavurs:

Preparaziun
  • leger e discutar ils plans, dissegns e las indicaziuns da las architectas e dals patruns da construcziun
  • cussegliar la clientella tar l'elecziun dal material, da la furma e dals musters
  • mesirar las surfatschas e quintar con material che vegn duvrà
  • quintar ils custs, far offertas e planisar termins
  • organisar il transport dal material ed al deponer sin il plazzal
  • controllar schebain ils palantschieus e las paraids èn gulivs ed impermeabels e prender mesiras sche necessari, p.ex. gulivar las paraids, nivellar ils palantschieus ed als stuppar
Tschentar plattas
  • far plans da lavur, resguardar la cumposiziun dal fund sco era la grondezza da la surfatscha e determinar la tecnica da tschentar las plattas
  • tagliar las plattas exactamain e duvrar latiers differents guaffens sco maschinas per tagliar plattas, fresas a maun, fresas bletschas u zangas spezialas e maschinas da mular chantuns
  • maschadar e stritgar si la cola cun ina palutta speziala sin las surfatschas
  • tschentar e fixar las plattas tenor ils plans
  • controllar sche las plattas èn tschentadas correctamain e gulivamain e curreger sbagls sche necessari
  • emplenir las chavas (spazis tranter las plattas) e duvrar latiers ils meds corrects
  • nettegiar las plattas e las proteger da polluziun e pulvra
  • dismetter il rument adattà a l'ambient
  • scriver rapports da lavur
  • enconuscher ed applitgar las perscripziuns da la segirezza da lavurar, da la protecziun da la sanadad e da l'ambient
Reparatura e renovaziun
  • allontanar e remplazzar plattas donnegiadas
  • spazzar l'entira cuvrida, preparar il fund e tschentar plattas novas tar lavurs da renovaziun grondas
  • far diever da tecnicas spezialas tar plattas particularas, p.ex. tar plattas da mosaic

Scolaziun

Basa legala

Ordinaziun federala 28-9-2010 (stadi dal 1-1-2018)

Durada

3 onns

Furmaziun en la pratica

En in manaschi da tschentaplattas

Furmaziun en scola

1 di per emna a la scola professiunala

Roms professiunals

  • lavurs cun plattas
  • cussegliaziun da la clientella ed administraziun
  • segirezza da la lavur, protecziun da l’ambient
  • lavurs da service
  • Curs ordaifer il manaschi

    Tar differents temas

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "tschentaplattas AFQ"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • imaginaziun dal spazi
  • flair per furmas geometricas
  • sanadad robusta
  • constituziun robusta
  • movibilitad corporala
  • moda da lavurar exacta
  • senn per furmas e colurs

Furmaziun supplementara

Curs

purschidas da scolas spezialisadas e professiunalas sco er dal Schweizerischer Plattenverband SPV

Examen professiunal (EP)

schef tschentaplattas / scheffa tschentaplattas cun certificat professiunal federal

Examen professiunal superiur (EPS)

maister tschentaplattas / maistra tschentaplattas

Scola spezialisada superiura (SSS)

curs da furmaziun en direcziuns spezialas parentadas

Cundiziuns da lavur

Tschentaplattas lavuran en manaschis da tschentaplattas. I sa tracta il  pli savens da manaschis pitschens cun 2 enfin 6 collavuraturs. Els midan mintga pèr dis il plazzal.. Per regla èn els sin via cun in team.. Savens lavuran els cun auters spezialists sin il plazzal. La gronda part da la lavur fan els en schanuglias. Perquai portan els savens paraschanugls. Mintgatant ston els purtar grevas chargias. Il temp da lavurar è per il solit regulars.

Ulteriuras infurmaziuns

Schweizerischer Plattenverband SPV
Keramikweg 3
6252 Dagmersellen
Tel: +41 62 748 42 52
URL: www.plattenverband.ch



orientamento.ch