?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Le perturbazioni tecniche degli ultimi giorni sono state risolte. Il portale è nuovamente disponibile e completamente funzionante.

Sondader / Sondadra AFQ

Sondaders e sondadras preparan in fundament uschia ch’el è segir e ch’el po vegnir surbajegià durablamain. Els fan sondagis, construeschan fundaments sin pitgas, segireschan stgavs da construcziun ed exequeschan sbassadas da l’aua sutterrana. Cun lur lavur procuran els ch'il fundament dad in edifizi saja stabil e segir.

Lavurs

Els exequeschan suandantas lavurs:

Preparaziun
  • leger  e chapir plans, far la planisaziun da la lavur e dal material
  • preparar e deponer material e maschinas sin il plazzal
  • endrizzar ils guaffens, las maschinas ed ils taraders
  • marcar las vias al plazzal, installar barrieras da segirezza e saivs, montar tavlas ed illuminaziun
  • marcar il terren tenor ils plans
Lavurs da construcziun da fundament
  • purtar davent il plaun terren, chavar cun palas, cun exchavaturs u autras maschinas
  • segirar il foss dal plazzal, metter pilasters, isolar paraids ed interprender autras mesiras da segirezza, pumpar giu aua sutterana
  • montar e demontar taraders, far analisas dal terren ed infurmar ils inschigners e las inschigneras davart la cumposiziun dal terren
  • stabilisar il terren cun differents materials, squittar en maschaida da cement, stuppar rusnas, montar fixaziuns d'atschal, buglir e tagliar cun il brischader, segirar las stgarpas cun l'ancra da grip, betunar
Segirezza e mantegniment
  • far urden al plaz da lavurar e dismetter a ils ruments adattà a l'ambient
  • enconuscher e resguardar las perscripziuns da segirezza e da l'ambient
  • scriver rapports da lavur
  • tgirar e reparar las maschinas ed ils guaffens

Scolaziun

Basa legala

Ordinaziun federala 1-11-2013 (versiun dal 1-1-2021)

Durada

3 onns

Furmaziun en la pratica

En in’interpresa da la construcziun bassa speziala

Furmaziun en scola

Curs en bloc a la scola professiunala per constructurs e constructuras da vias da traffic a Sursee: en media 9 emnas per onn, da quellas 2 emnas per onn la furmaziun spezialisada “construcziun da fundament” a Sempach

Roms professiunals

  • organisaziun da las lavurs e garanzia da la segirezza da lavur sco era da la protecziun da la sanadad e da l’ambient
  • execuziun da lavurs generalas en la construcziun da vias da traffic
  • execuziun da lavurs da la construcziun da fundament
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "sondader / sondadra AFQ"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha pratica
  • enclegientscha tecnica
  • abilitad da lavurar en in team
  • fidadadad e perseveranza
  • forza corporala
  • sanadad robusta

Furmaziun supplementara

Curs

purschidas da scolas spezialisadas e scolas professiunalas, dal Campus Sursee (Bildungszentrum Bau),  da l’Associaziun svizra per maisters constructurs, da l’Associaziun professiunala Infra sco era curs entaifer il manaschi.

Furmaziun da basa scursanida

montader / montadra da binaris, tschentapalantschieus industrials e purtants, salaschader / salaschadra, construider / construidra da vias

Examen professiunal (EP)

maister furader / maistra furadra cun diplom federal

Examen professiunal superiur (EPS)

manadra da construcziun diplomada, maister constructur

Scola spezialisada superiura (SSS)

tecnicist / tecnicista surveglianza da construcziun, tecnicist / tecnicista planisaziun da construcziun

Scola auta spezialisada (SAS)

Bachelor of Science (SAS) en inschigneria da construcziun. Tut tenor scola auta spezialisada valan differentas cundiziuns d'admissiun.

Cundiziuns da lavur

Sondaders lavuran sco spezialists en la construcziun bassa speziala. Il pli savens èn els emploiads tar interpresas da construcziun u sondagi. Sondaders han incumbensas en l’entira Svizra, uschia ch’els èn savens sin viadi.

Ulteriuras infurmaziuns

Berufsfachschule Verkehrswegbauer
Postfach
6210 Sursee
Tel: +41 41 922 26 26
URL: www.verkehrswegbauer.ch
URL: www.bauberufe.ch

Fachverband Infra
Weinbergstr. 49
Postfach
8042 Zürich
Tel: +41 44 258 84 90
URL: www.infra-suisse.ch



orientamento.ch