?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Salaschader / Salaschadra AFQ

Salaschaders e salaschadras AFQ construeschan e reparan vias, stradas e plazzas da crap natiral. Els planiseschan, construeschan e reparan surfatschas cun crappa da sulada e plattas da crap natiral. Els lavuran tenor plans dads u atgnas skizzas.

Lavurs

Preparaziun
  • leger ils plans ed ils dissegns da vias e plazs u crear agens plans, discutar cun la clientella projects (p.ex. tgira da monuments), planisar la lavur
  • preparar ils materials (p.ex. crappa da sulada, plattas da crap natiral, glera, maulta per chavas)
  • preparar ils utensils (martels, paluttas, vaiders da separaziun)
  • chargiar il material ed ils guaffens al plazzal ed endrizzar là in magazin nua ch'il material po vegnir deponì a moda correcta
  • controllar, sche la rauba empustada è preschenta, endrizzar apparats e maschinas, barricadar il plazzal, installar barrieras, metter si tavlas d'avertiment ed indicaziun
  • enconuscher e resguardar las mesiras da segirezza, purtar vestgadira da protecziun
Sulada
  • crear in sboz per tscherts musters, preparar las surfatschas, allontanar cuvridas veglias, chavar si u auzar il terren
  • allontanar aua, fermar ils fundaments cun chaltschina, stagnar il terren, metter crappa dad ur e la cementar u betunar sche necessari, endrizzar deflussiuns
  • pitgar cun il martè da salaschar la crappa en il fundament da sablun e da glera, il pli en posiziun da seser sin ina sutga bassa dad ina chomma
  • controllar sche l'incumbensa da la clientella ès ademplida, p.ex. la furma e la grondezza dil design giavischà
  • examinar cun agid d'ina corda stendida la posiziun da la crappa, controllar cun la latta da planar schebain la surfatscha è planiva, far correcturas sche necessari
  • emplenir las chavas e montar ils colliaments
Suenter la lavur
  • mantegnair ils apparats ed ils guaffens e far pitschnas correcturas
  • dismetter ils ruments e material vegl adattà a l'ambient
  • scriver rapports da lavur

Scolaziun

Basa legala

Ordinaziun federala 1-11-2013 (versiun dals 1-1-2018)

Durada

3 onns

Furmaziun en la pratica

En in manaschi da sulada u en in’interpresa da construcziun da suladas e cuvridas da crap natiral

Furmaziun en scola

Curs da bloc a la scola professiunala per constructurs da vias da traffic a Sursee: en media 9 emnas l'onn, da quellas radund 2 emnas l'onn cun accent «construcziun da suladas» ad Alpnach

Roms professiunals

  • organisar las lavurs e garantir la segirezza da la lavur, la protecziun da la sanadad sco era la protecziun da l’ambient
  • exequir lavurs generalas en la construcziun da vias da traffic
  • exequir lavurs da sulada
  • Curs ordaifer il manaschi

    emprender ed exercitar a moda pratica las basas professiunalas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "salaschader / salaschadra AFQ"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • encletga pratica
  • ina buna imaginaziun dal spazi
  • moda da lavurar exacta e precisa
  • abilitad da lavurar a moda independenta
  • abilitad da lavurar en in team
  • resistenza corporala
  • sanadad robusta
  • senn per furmaziun e creaziun

Furmaziun supplementara

Curs

Purschidas da scolas spezialisadas e professiunalas sco era dal center da furmaziun e professiun da l’Associaziun svizra dals maisters salaschaders, dal Campus Sursee sco er d’instituziuns da furmaziun da partenaris en la Germania ed en l’Austria

Scolaziun da basa scursanida

montader / montadra da binaris AFQ, tschentapalantschieus industrials e purtants AFQ, construider / construidra da vias AFQ

Examen professiunal (EP)

differents poliers cun certificat professiunal federal: construcziun da traffic (p.ex. polier u poliera da construcziun da vias, construcziun bassa u mantegniment da vias)

Examen professiunal superiur (EPS)

manader diplomà / manadra diplomada da construcziun
maister constructur / maistra constructura

Scola spezialisada superiura (SSS)

tecnicist / tecnicista cun diplom SSS surveglianza da construcziun
tecnicist / tecnicista cun diplom SSS planisaziun da construcziun

Scola auta spezialisada (SAS)

Bachelor of Science (SAS) en inschigneria da construcziun. Tut tenor scola auta spezialisada valan differentas cundiziuns d'admissiun.

Cundiziuns da lavur

Salaschaders lavuran per il pli en pitschens manaschis cun paucs collavuraturs. Salaschaders cun experientscha mainan savens era lur agen manaschi.

La lavur è suttaposta a fluctuaziuns stagiunalas, la gronda part da la lavur vegn exequida durant il mez onn da stad. Per betg impedir il traffic ston ils salaschaders mintgatant era lavurar la notg.

Salaschaders han bunas schanzas sin il martgà da lavur. I dat bleras plazzas d’emprendissadi.

Ulteriuras infurmaziuns

Scola professiunala dals constructurs da vias da traffic
Chascha postala
6210 Sursee
Tel: 041 922 26 26
URL: www.verkehrswegbauer.ch
URL: www.bauberufe.ch

Associaziun svizra dals maisters salaschaders
Chascha postala
8180 Bülach
Tel: 044 860 29 84
URL: www.pflaesterer.ch

Revista professiunala:
"B. Magazin - Das Magazin für Verkehrswegbauer"



orientamento.ch