Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Practicist / Practicista da transports sin via AFP

Practicists e practicistas da transports sin via transportan diversa vitgira. Els planiseschan ils transports e san ir enturn cun la rauba. Els san era exequir pitschnas reparaturas e reagir tar pannas.

Lavurs

Practicists e practicistas da transports sin via exequeschan transports che san vegnir fatgs da vehichels da la categoria dal permiss B/BE. Tar quels tutgan per exempel autos da furniziun e vehichels a motor levs cun chars annexs. Els retschaivan incumbensas e planiseschan il transport.

Avant il transport controlleschan practicists da transports sin via il stadi dal vehichel attribuì. Els tschernan il traject, calculeschan il temp da viadi ed il temp che vegn utilisà per chargiar e stgargiar. Sinaquai chargian els la rauba e la furneschan a la clientella.

Practicists da transports sin via èn responsabels che lur vehichels èn adina en in bun stadi. Sch’els chattan in disturbi u sch’els han ina panna, emprovan els da far ina reparatura. Els cloman agid, sch’els na san betg reparar il vehichel.

Practicists da transports sin via lavuran fitg exact, cunquai che in’inattenziun po avair consequenzas terriblas. Cunzunt en il traffic ston els sa concentrar e resguardar las directivas per evitar ils privels per sasezs ed autras persunas.

Practicists da transports lavuran independentamain ed èn conscients da la responsabladad. Els han ina savida tecnica, inschign manual e plaschair vi dal contact cun la glieud. Ultra da quai resguardan els las prescripziuns davart la protecziun da l’ambient e da la sanadad sco era davart la segirezza da la lavur.

Scolaziun

Basa legala

Ordinaziun federala 4-2-2014

Durada

2 onns

Furmaziun en la pratica

En in manaschi da l’industria dal transport sin via

Furmaziun en scola

1 di per emna a la scola professiunala

Roms professiunals

  • execuziun da transports
  • garanzia dal mantegniment, da la segirezza e da la protecziun da l’ambient

Curs ordaifer il manaschi

Tar differents temas

Vegliadetgna minimala a l’entschatta da la furmaziun

Premissa per ina furmaziun è la vegliadetgna minimala da 17 onns (di da referenza: 30 da november dal 1. onn d'emprendissadi).

Diplom

Attestat federal professiunal "practicist / practicista da transports sin via AFP"

Premissas

Furmaziun preliminara
  • scola populara terminada
Pretensiuns
  • enclegientscha tecnica
  • inschign manual
  • capacitad da giuditgar e da decider
  • independenza
  • plaschair da contacts
  • talent d’organisar
  • flexibilitad pertutgant il temp da lavur
  • fidadadad
  • senn da responsabladad
  • buna sanadad e buna fitness
  • plaschair vi da l’esser per via
  • abilitad da lavurar en in team

Furmaziun supplementara

Curs

purschidas da scolas spezialisadas e scolas professiunalas sco era dal Schweizerischer Nutzfahrzeugverband ASTAG

Spezialist / Spezialista da transports sin via AFQ

practicists  da transports sin via AFP pon frequentar ina furmaziun scursanida sco spezialists da transports sin via AFQ (entrada al 2. onn da furmaziun da basa).

Suenter quella scolaziun han els las medemas pussaivladads da furmaziun supplementara sco spezialists da transports sin via AFQ.

Cundiziuns da lavur

Practicists da transports sin via lavuran en interpresas da mastergnanza, da transport e da l’industria. Els èn fitg libers en lur lavur. Tuttina han els ina gronda responsabladad envers ils participants al traffic, la clientella e la vitgira.

Ulteriuras infurmaziuns

ASTAG Schweiz. Nutzfahrzeugverband
Wölflistr. 5
3006 Bern
Tel: 031 370 85 85
URL: www.astag.ch



orientamento.ch