Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Assistent / Assistenta da biro AFP

Assistents ed assistentas da biro AFP exequeschan lavurs da biro generalas al computer. Els telefoneschan cun la clientella, planiseschan termins e fan pajaments.

Lavurs

Assistents ed assistentas da biro exequeschan suandantas lavurs:

Lavurs da biro
  • scriver brevs, e-mails, protocols, notizias d’actas, tabellas e glistas al computer
  • lavurar cun models e formulars
  • utilisar e mantegnair squitschaders, apparats da fotocopiar e scanners
  • planisar termins ed occurrenzas e pinar ils documents necessaris
  • far empustaziuns da material da biro ed administrar il magasin da material
Discurrer cun la clientella
  • communitgar al telefon u enten avair contact direct cun la clientella sco er cun ils furniturs e las furnituras
  • preschentar ils products u ils servetschs dal manaschi
  • nudar ils giavischs da la clientella e la renviar a las persunas responsablas
  • beneventar giasts ed als accumpagnar tar las persunas giavischadas
Lavurar en la contabilitad
  • exequir simplas lavurs da biro sco per exempel pajaments e transacziuns tras la banca u la posta
  • far lavur da rendaquint ed elavurar statisticas
  • resguardar las normas e reglas per proteger e conservar datas e documents sco er las perscripziuns internas en connex cun archivar documents e datas

Scolaziun

Basa legala

Ordinaziun federala 11.7.2007 (versiun dal 1.1.2019)

Durada

2 onns

Furmaziun en la pratica

En l’administraziun d’in manaschi

Furmaziun en scola

A la scola professiunala: en l’emprim semester: 2 dis, dal 2. – 4. semester: 1 di per emna

Roms professiunals

  • tudestg
  • infurmaziun, communicaziun, administraziun
  • economia e societad

Curs d’elecziun e da sustegn sco era  curs cumplementars per l’access a la scolaziun da basa scursanida sco commerziant / commerzianta AFQ èn pussaivels.

Curs ordaifer il manaschi

Tar differents temas

Diplom

Attestat federal professiunal "assistent / assistenta da biro AFP"

Premissas

Furmaziun preliminara
  • temp da scola obligatoric terminà
Pretensiuns
  • interess vi da lavurs da biro
  • plaschair da lavurar al computer
  • buna enclegientscha dal tudestg a bucca ed en scrit
  • moda da lavur exacta
  • plaschair vi da far quints
  • avertadad ed amicabladad en contact cun persunas
  • abilitad da lavurar en in team
  • fidadadad cun senn da responsabladad
  • talent d’organisaziun

Furmaziun supplementara

Curs

purschidas da scolas spezialisadas e professiunalas ed en centers da furmaziun supplementara

Commerziant / Commerzianta AFQ

Assistentas da biro AFP pon far cun fitg bunas prestaziuns ina scolaziun da basa scursanida sco commerziant / commerzianta AFQ (profil B) cun attest federal da qualificaziun (access en il 2. onn da la furmaziun da basa professiunala). Silsuenter valan las medemas pussaivladads da furmaziun supplementara sco per commerziants / commerziantas AFQ.

Cundiziuns da lavur

Assistentas da biro lavuran en differentas interpresas e manaschis. En cumparegliaziun cun ils commerziants cun diplom federal da qualificaziun AFQ han ellas paucas pussaivladads da sa furmar supplementarmain e da far carriera.

La purschida da plazzas d’emprendissadi è minima ed è da chantun tar chantun fitg differenta.

Ulteriuras infurmaziuns

IGKG Interessengemeinschaft Kaufmännische Grundbildung
Schwanengasse 9
Postfach
3001 Bern
Tel: +41 31 398 26 10
URL: www.igkg.ch



orientamento.ch