Vai al titolo

Practicist / Practicista da pneus AFP

Practicists e practicistas da pneus AFP controlleschan pneus e rodas d'autos, camiuns, motos ed auters vehichels. Els midan e repareschan rodas e pneus a moda professiunala. Els fan era pitschnas lavurs da service vi dal vehichel.

Lavurs

Els exequeschan suandantas lavurs:

Cussegliaziun da clientella
  • cussegliar la clientella davart rodas e pneus
  • giuditgar il stadi dals pneus e controllar la pressiun dals pneus
  • infurmar sch'ils pneus u las rodas ston vegnir remplazzadas e inditgar ils custs
  • mussar las differentas purschidas, p.ex. davart differents giavegls (atschal u aluminium) u pneus da stad u d'enviern
  • vender accessoris sco chadainas da naiv
  • magasinar a moda correcta ils pneus da la clientella
Service
  • demontar pneus e rodas
  • reparar u remplazzar rodas e pneus
  • far lavurs da nettegiament e pumpar ils pneus
  • equilibrar las rodas e mirar ch'ellas van enturn gulivamain
  • remplazzar ils pneus normals cun pneus pli lads
  • dismetter ils pneus e las rodas veglias a moda adattada a l'ambient
  • exequir lavurs simplas da controlla e da service, p. ex. la glisch ed ils frains e mesirar il livel d'emplenida da l'ieli
  • mantegnair ils guaffens ed ils indrizs
  • resguardar las prescripziuns da segirezza, da sanadad e da la protecziun da l'ambient

Scolaziun

Basa legala

Ordinaziun federala 6-12-2005 (versiun dal 1-1-2018)

Durada

2 onns

Furmaziun en la pratica

En ina firma ch'è sa spezialisada en pneus u en ina garascha d'autos pli gronda

Furmaziun en scola

1 di l'emna a la scola professiunala

Roms professiunals

  • duairs e funcziuns dal manaschi
  • lavurs da service da basa
  • prescripziuns davart la lavur cun pneus e rodas
  • montar e demontar pneus e rodas
  • segirezza da lavur, protecziun da la sanadad e da l'ambient
  • Curs ordaifer il manaschi

    Lavurar ed exercitar a moda pratica vi da lavurs da basa

    Diplom

    Attestat federal professiunal "practicist / practicista da pneus AFP"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • moda da lavurar exacta e senn per responsabladad
  • fidadadad
  • plaschair da tecnologias novas
  • buna constituziun corporala
  • prontadad da lavurar a temp irregular (servetsch l'enviern)

Furmaziun supplementara

Curs

purschidas da scolas spezialisadas e professiunalas, associaziuns e produciders da rodas

Examen professiunal (EP)

p.ex. spezialist / spezialista da pneus cun certificat professiunal federal

Cundiziuns da lavur

Practicists e practicistas da pneus lavuran en commerzis spezialisads per pneus, en lavuratoris per service da pneus u en garaschas d'autos pli grondas. Per il solit è il temp da lavur regulars. Cun il cumenzament da l'enviern po i dar ch'els  lavuran dentant dapli.

Ulteriuras infurmaziuns

Associaziun svizra da pneus ASP
Hotelgasse 1
Chascha postala 316
3000 Berna 7
Tel: 031 328 40 60
URL: www.swisspneu.ch



orientamento.ch