Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Coiffeur / Coiffeusa AFP

Coiffeurs e coiffeusas AFP creeschan frisuras a las clientas ed als clients. Tenor cunvegnientscha cun lur superiurs lavan, taglian, colureschan els ils chavels e creeschan frisuras.

Lavurs

Coiffeurs e coiffeusas AFP lavuran en ina fatschenta da coiffeur. Al termin fixà beneventan els ils clients. Els plazzeschan els en in lieu liber e s’infurmeschan davart lur giavischs. Els sa stentan da crear ina atmosfera amicabla.

Coiffeurs AFP han endament cun lur clients tge che duai vegnir fatg. Sch’il client giavischa ina cussegliaziun extendida davart frisuras e colurs adattadas, dumondan els lur superiurs per cussegl. Cuminaivlamain planiseschan els ils singuls pass da lavur. Silsuenter exequeschan ils coiffeurs AFP las lavurs planisadas a moda autonoma.

Suenter la cussegliaziun lavan coiffeurs AFP per regla l’emprim ils chavels da lur client. Latiers elegian els in product da tgira che va a prà cun ils chavels e cun la pel dal chau. Cun precauziun schampuneschan els ils chavels e masseschan latiers la pel dal chau.

Tenor ils giavisch dal client e tenor instrucziun dals superiurs creeschan coiffeurs AFP frisuras. Els guardan che la frisura giaja a prà cun las proporziuns da la fatscha e dal corp da la clienta. Coiffeurs dovran differentas tecnicas da tagliar e taglian orizontalmain, diagonalmain, stgalims ed effileschan ils chavels.

Sper tagliar tutga er dar colur, stender, ondular, crear frisuras e toupar il chavels tar las lavurs dals coiffeurs AFP. A la fin mussan els al client il resultat cun il spievel da maun. Ultra da quai cusseglian e vendan els tenor cunvegnientscha cun ils superiurs products da tgira, sco p. ex. balsams curativs e lac da chavels.

Coiffeurs AFP tegnan net lur plaz e conturn da lavur. Els tgiran tenor basegn lur utensils da lavur sco forschs e barschuns. Per evitar accidents e donns da material resguardan els las prescripziuns en connex cun la segirezza da la lavur. Durant la lavur guardan els d’avair ina cumparsa correcta ed ina buna posiziun da lavur, per ch’els na fetschian betg donn al corp.

Scolaziun

Basa legala

Ordinaziun federala 14-9-2011

Durada

2 onns

Furmaziun en la pratica

En ina fatschenta da coiffeur

Furmaziun en scola

1 di per emna a la scola professiunala

Roms professiunals

  • S’occupar da clientas e clients
  • tractar e tgirar la pel dal chau ed ils chavels
  • tagliar chavels tenor cunvegna, far midadas da colur e dar ina furma permanenta als chavels tenor cunvegna
  • furmar e crear frisuras tenor cunvegna
  • organisar ed avair quità dal conturn da lavur
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attest federal professiunal "coiffeur / coiffeusa AFP"

Premissas

Furmaziun preliminara
  • scola populara terminada
Pretensiuns
  • interess vi da bellezza e moda
  • senn per furmas e colurs
  • mauns inschignaivels, detta agila
  • senn per nettezza
  • plaschair vi dal contact cun  carstgauns
  • buna abilitad da communitgar
  • saun dies, pes e mauns sauns per la lavur en pe
  • naginas allergias resp. nagina ipersensibilitad da la pel (utilisaziun da products, schampos e meds da tgira)

Furmaziun supplementara

Curs

purschidas da l’Associaziun Schweizer Coiffeurgeschäfte coiffureSUISSE

Coiffeur / Coiffeusa AFQ

Coiffeurs / coiffeusas AFP pon far ina furmaziun da basa scursanida sco coiffeur / coiffeusa AFQ (entrada en il 2. onn da scolaziun).

Cundiziuns da lavur

Coiffeurs AFP lavuran en ina fatschenta da coiffeur. Els lavuran savens era las sondas. La professiun è adattada per lavur a temp parzial.

Ulteriuras infurmaziuns

coiffureSUISSE
Verband Schweizer Coiffeurgeschäfte
Moserstr. 52
Postfach 641
3000 Bern 22
Tel: 031 332 79 42
URL: www.coiffuresuisse.ch




orientamento.ch