?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Gidanter / Gidantra d’hotellaria AFP

Gidantras e gidanters d’hotellaria lavuran en hotels, ospitals u chasas da tgira. Els nettegian las chombras ed ils locals da cuminanza dals giasts, lavuran en la lavandaria e collavuran en il restaurant.

Lavurs

Els exequeschan suandantas lavurs:

Tgirar las chombras ed ils locals da cuminanza
  • far urden en las chombras, emplenir la minibar, midar la rauba da letg
  • nettegiar ils bogns a moda professiunala
  • preparar cuppas da fritgs u flurs cura che novs giasts arrivan
  • decorar ils locals communabels a moda plaschaivla, tgirar las plantas ed organisar reparaturas
Lavar e far ora cun il fier la vestgadira
  • zavrar la laschiva d’hotel e la vestgadira da professiun
  • lavan, sientar e far ora cun il fier la vestgadira cun maschinas modernas
  • far stim che las textilias vegnian lavadas e conservadas a moda ecologica e correcta
Preparar il buffet da l'ensolver
  • preparar té, café, bavrondas da latg e toasts per l'ensolver
  • garnir plattas da chaschiel e liongias
  • metter davent l'urden sin las maisas ed il buffet
Preparar localitads per events
  • preparar localitads per banchets e seminaris
  • metter a disposiziun apparats tecnics e purtar las sutgas e las maisas giavischadas
  • decorar las localitads e purtar ina marenda als giasts

Scolaziun

Basa legala

Ordinaziun federala 7-12-2004 (versiun dal 1-1-2018)

Durada

2 onns

Furmaziun en la pratica

En in hotel, ospital u ina chasa da tgira

Furmaziun en scola

Variescha da chantun a chantun: 1 di l'emna a la scola professiunala u 2 curs professiunals interchantunals da mintgamai 5 emnas en in hotel da scola da la hotelleriesuisse

Roms professiunals

  • mantegniment da la valur
  • decoraziun interna
  • provediment da laschiva
  • accumpagnament da giasts en il sectur d’ensolver
  • offis
  • economia da chasa
  • organisaziun dal manaschi
  • segirezza
  • igiena
  • logistica

Curs ordaifer il manaschi

Emprender ed exercitar a moda pratica la basa professiunala

Diplom

Attest federal professiunal "gidanter / gidantra d’hotellaria AFP"

Premissas

Furmaziun preliminara
  • temp da scola obligatoric terminà
Pretensiuns
  • plaschair da la lavur pratica en il tegnairchasa
  • persuna exacta e fidada
  • pront da s’occupar dals giavischs dals giasts
  • curtaschaivel ed amiaivel
  • abel da lavurar en in team
  • saun

Furmaziun supplementara

Curs

las associaziuns professiunalas porschan curs davart differents temas

Spezialist / Spezialista d’hotellaria AFQ

Gidanters d’hotellaria AFP cun attest professiunal federal pon far ina furmaziun da basa scursanida sco spezialist/a d’hotellaria AFQ (access al segund onn da la furmaziun da basa).
Suenter han els las medemas pussaivladads da furmaziun supplementara sco spezialists d’hotellaria AFQ.

Cundiziuns da lavur

Gidanters d’hotellaria AFP lavuran en hotels cun manaschi d’entir onn u manaschi da stagiun. Els lavuran savens malregulà ed era durant las sairas e las fins d’emna. Tut tenor stagiun sa mida il squitsch da lavur.

Gidanters d’hotellaria duessan esser pronts da far la furmaziun da basa en regiuns ruralas u en ina regiun turistica. L’intermediaziun da plazzas da fufragnadi e d’emprendissadi da la branscha (www.berufehotelgastro.ch) gida persunas interessadas da tschertgar purschidas en tut las regiuns linguisticas da la Svizra.

Gidanters d’hotellaria motivads e flexibels han bunas schanzas da chattar ina plazza da lavur suenter l’emprendissadi.

Ulteriuras infurmaziuns

Infurmaziuns davart il mastergn e fufragnadis da la hotelleria e gastronomia
URL: www.berufehotelgastro.ch

GastroSuisse
Uniun d'hotellaria e restauraziun
8046 Turitg
Tel: +41 848 377 111
URL: www.gastrosuisse.ch

Hotelleriesuisse
3001 Berna
Tel: +41 31 370 42 83
URL: www.berufehotelgastro.ch




orientamento.ch