Vai al titolo

Practicist / Practicista da latg AFP

Practicists e practicistas da latg lavuran en ina chascharia e latgaria. Els gidan da producir differents products da latg. Els lavuran cun apparats e surveglian maschinas, prendan provas e guardan che las victualias èn magasinadas a moda correcta.

Lavurs

Els exequeschan suandantas lavurs:

Prender encunter furniziuns da latg
  • prender encunter la furniziun
  • controllar la qualitad dal latg furnì ed endatar las infurmaziuns en il computer
  • frestgentar il latg a moda correcta
Far products da latg
  • stgaudar, sgromar e maschadar il latg cun ingredienzas e substanzas auxiliaras
  • controllar durant la producziun da chaschiel dir e lom ch’il latg enquaglià (latg rut) haja la dretga consistenza
  • tagliar la schelatina e truschar e stgaudar il chaschiel frestg granulà
  • emplenir la massa en las furmas da chaschiel e las purtar en il tschaler da chaschiel
  • tgirar e survegliar las magnucca
  • preparar era las ingredienzas per producir jogurt, quagliada e products da dessert
  • controllar la colur, l’odur ed il gust dals products da latg finids
Manevrar e tgirar maschinas
  • manevrar e controllar indrizs e maschinas
  • controllar process da producziun
  • franar ed endrizzar danovamain las maschinas sche problems sa mussan
  • nettegiar ils indrizs e la maschinas cura ch'il product è finì
  • duvrar materias primas e maschinas cun quità
  • resguardar las prescripziuns d'igiena

Scolaziun

Basa legala

Ordinaziun federala 11-10-2019

Durada

2 onns

Furmaziun en la pratica

En in manaschi d’elavuraziun da latg en almain in sectur da producziun

Furmaziun en scola

1 di per emna en ina da las scolas professiunalas a Flawil SG, Sursee LU u Langnau BE

Roms professiunals

  • chaschiel dir
  • latg da consum/groma
  • chaschiel mez dir/chaschiel lom
  • paintg
  • products da latg acidulà
  • quagliada/chaschiel frestg
  • moduls cumplementars 1 e 2
  • Curs ordaifer il manaschi

    4 dis da curs en 2 onns tar differents temas

    Diplom

    Attest federal professiunal "practicist / practicista da latg AFP"

Premissas

Furmaziun preliminara
  • temp da scola obligatoric terminà
Pretensiuns
  • plaschair da s’occupar cun victualias
  • bun nas e bun gust
  • plaschair da lavurar cun maschinas
  • senn per nettezza ed igiena
  • bun dun d’observar
  • abilitad da lavurar en ina gruppa
  • sanadad robusta ed abilitad da supportar squitsch (blera lavur sin las chommas)
  • naginas allergias envers products da nettegiar
  • prontadad da lavurar a temp irregular

Furmaziun supplementara

Curs

purschidas da scolas spezialisadas e professiunalas sco era dal Center per la furmaziun professiunala natira, nutriment ed economia da latgiras a Sursee, dal Center da professiun e furmaziun supplementara a Flawil u dal Center da furmaziun Emme a Langnau

Tecnolog / Tecnologa da latg AFQ

Practicists / practicistas da latg AFP pon far ina scolaziun da basa scursanida sco tecnolog / tecnologa da latg AFQ (access en il 2. onn da la furmaziun da basa professiunala).
Silsuenter valan las medemas pussaivladads da furmaziun supplementara sco per ils tecnologs / las tecnologas da latg AFQ.

Cundiziuns da lavur

Practicists da latg lavuran en in manaschi d’elavuraziun da latg sco per exempel en ina chascharia u en ina latgaria. Lur lavurs exequeschan els il pli savens en pe. Tut tenor manaschi è il temp da lavur irregular.

Ulteriuras infurmaziuns

Schweizerischer Milchwirtschaftlicher Verein SMV
Berufsbildung
3001 Berna
Tel: 031 311 31 82
URL: www.milchtechnologe.ch

Berufsbildungszentrum Natur
und Ernährung / Milchwirtschaft
6210 Sursee
Tel: 041 925 74 64
URL: www.bbzn.lu.ch

Berufs- und Weiterbildungszentrum Wil-Uzwil
9500 Wil SG
Tel: 058 228 72 50
URL: www.bzwu.ch

Bildungszentrum Emme
3550 Langnau im Emmental
Tel: 031 635 33 70
URL: www.bzemme.ch



orientamento.ch