Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Tgirader / Tgiradra da chavals  AFP

Tgiraders e tgiradras da chavals lavuran en manaschis da chavals e da ponis. Els pavlan, tgiran e muventan ils animals. Latiers mantegnan e nettegian els ils stabiliments.

Lavurs

Tgiradras e tgiraders da chavals han quità dals chavals e dals ponis. Els lavuran per exempel en in center per sport a chaval u en in manaschi da cursas da chavals u da commerzi. Tenor cunvegna cun ils superiurs pavlan e barschunan els ils chavals, nettegian ils chalzers-chaval e preparan ils animals per il transport. Sch’ils animals èn malsauns u han ina blessura vegnan els tgirads tenor avis da la veterinaria. Els èn francs e segirs en la relaziun cun ils chavals ed ils ponis e remartgeschan, sch’in animal sa cumporta a moda nunusitada.

Tgiraders da chavals passentan bler temp da lavur cun nettegiar stabiliments e material. Els nettegian las sellas, las chavazzinas, ils barschuns e las streglias. Els fan urden en ils claus, scuan e rimnan la grascha da chavals. Uschia contribueschan els considerablamain al bainesser dals animals ed a la cumparsa dal manaschi.

En il mintgadi da lavur resguardan tgiraders da chavals las prescripziuns da protecziun da l’animal e da l’ambient. Els dismettan p. ex. il rument tenor las prescripziuns e fan attenziun a l’atgna sanadad. Els sa vestgeschan a moda adequata e san co ch’els ston reagir correctamain tar accidents u autras situaziuns da stress.

Tgiraders da chavals emprendan da chavaltgar a moda fundamentala. Tar occurrenzas e durant las lecziuns da chavaltgar sa gidan els. Ils animals vegnan scolads cun lonschar, cun lavurar sin il terren e cun lavur en gruppa, nua ch’ils tgiraders da chavals sa gidar medemamain. Els mettan en il center ils giavischs da lur clientella ed ageschan a moda servetschaivla. Cun ils collegas da lavur han els ina buna relaziun.

Scolaziun

Basa legala

Ordinaziun federala dals 4-11-2013

Durada

2 onns

Furmaziun en la pratica

En in manaschi da ponis u/e da chavals

Furmaziun en scola

1 di per emna a la scola professiunala a Lindau, Zollikofen u Moudon

Roms professiunals

  • garantir la segirtad e la protecziun da la sanadad da l’animal
  • mantegniment da l’equipament e l’infrastructura
  • pavlar e tgirar chavals
  • cussegliar ed instruir clientella
  • relaziun cun ils chavals e muventar ils chavals
  • relaziun cun ils collegas sco era cun la clientella
  • Curs ordaifer il manaschi

    Approfundar las lavurs praticas ed exercitar la basa professiunala

    Diplom

    Attestat federal professiunal "tgirader / tgiradra da chavals AFP"

Premissas

Furmaziun preliminara
  • scola populara terminada
  • experientschas en la tgira da chavals èn d’avantatg
Pretensiuns
  • buna relaziun cun chavals
  • maun per lavurs praticas, dun manual
  • sanadad robusta, p.ex. naginas allergias da fain e da pulvra
  • forza corporala e movibladad, p.ex. bratscha, chommas e dies ferm per chavaltgar e nettegiar
  • nagin disgust da merda, da spizza e d’excrements
  • empatia e pazienza per la lavur cun animals gronds
  • abilitad da lavurar en ina gruppa
  • plaschair dal contact cun la clientella

Furmaziun supplementara

Curs

purschidas da scolas professiunalas, d’associaziuns e d’organisaziuns dal mund da lavur da mastergns che s’occupan cun chavals

Professiunal / Professiunala da chavals AFQ

Tgiraders / tgiradras da chavals AFP pon far ina scolaziun da basa scursanida sco spezialist / spezialista da chavals AFQ (access en il 2. onn da la furmaziun da basa professiunala).

Silsuenter valan las medemas pussaivladads da furmaziun supplementara sco per ils spezialists / spezialistas da chavals AFQ.

Cundiziuns da lavur

Ils dis da lavur cumenzan fitg baud ed èn per ordinari lungs, irregulars e corporalmain stentus. Ils chavals ston era vegnir survegliads durant las fins d’emna e firads. Las stallas ston vegnir nettegiadas mintga di.

Il dumber da plazzas d’emprendissadi è creschida levamain ils ultims onns. Plazzas libras e pussaivladads da furmaziun supplementara èn però limitadas en questa professiun.

Ulteriuras infurmaziuns

Organisation der Arbeitswelt
Pferdeberufe
3000 Bern
Tel: 079 128 69 56
URL: www.pferdeberufe.ch





orientamento.ch