Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Cheramist / Cheramista d’industria AFQ

Cheramistas e cheramists d’industria creeschan products da cheramica e da metal dir. Lur champ da lavur tanscha dal preparar e tractar las materias primas fin a la fabricaziun finala dals products.

Lavurs

Cheramistas e cheramists d’industria s’occupan da la producziun industriala da products da cheramica e da metal dir. En hallas da fabricaziun grondas mainan e surveglian els ils process da producziun. Latiers utiliseschan els ils indrizs da fabricaziun dirigids dal computer. Els lavuran en manaschis spezialisads en ina da las suandantas accents da l’industria da cheramica:

En l’industria da cheramica spezialisada sin la cheramica groppa produceschan cheramists d’industria p.ex. quadrels, tievlas e sumegliants products. Sco material da basa utiliseschan els arschiglia che vegn tut tenor maschadada cun substanzas auxiliaras. Cun la materia prima tractada produceschan els en process automatisads ils tocs nunelavurads. Suenter che la tocca è sientada vegn ella brischada en lungs furns a tunnel.

En manaschis spezialisads sin la cheramica fina produceschan cheramists d’industria oravant tut artitgels sanitars sco bigls e tualettas, vaschella, cheramica decorativa sco era plattas da paraid e da fund. Il product cheramic cun glasura e surfatscha funcziunala ademplescha pretensiuns tecnicas, chemicas ed igienicas.

Cheramists d’industria spezialisads sin la cheramica da construcziun produceschan unicats sco serias da plattinas per pignas da plattinas, cheminés, mobiglias che stgaudan sco era cheramica da construcziun per spazis dador e dadens. Els dattan furma a la massa da cheramica cun cular, smatgar e furmar a maun.

En manaschis spezialisads sin la cheramica tecnica produceschan cheramists d’industria filters da particlas e catalisaturs per motors da diesel e da gas. Quels nettegian las svapurs dals motors da divers indrizs mobils e staziunars.

Cheramists d’industria spezialisads sin products da metal dir fabritgeschan metal dir or da las materias primas principalas carbid da volfram e cobalt sco er or dad auters supplements da liament. Ils champs d’applicaziun èn p.ex. l’industria d’automobils, l’aviatica e l’industria da maschinas.

En l'accent da la construcziun da models vegnan producidas furmas per products cheramics. Cun agid da models da gip vegnan culadas las furmas da model che vegnan duvradas per la producziun industriala.

Cheramists d’industria resguardan las prescripziuns legalas e dal manaschi areguard la segirezza, la sanadad e la protecziun da l’ambient. Uschia protegian els sasezs, ils collavuraturs, il manaschi e l’ambient d’effects negativs.

Scolaziun

Basa legala

Ordinaziun federala 20-10-2010

Durada

3 onns

Accents

  • cheramica groppa
  • cheramica fina
  • cheramica da construcziun
  • cheramica tecnica
  • producziun da metal dir
  • construcziun da models

Furmaziun en la pratica

En in manaschi spezialisà en l'accent tschernida da l’industria da cheramica

Furmaziun en scola

In di l'emna a la scola professiunala a Berna

Roms professiunals

  • retschaiver e preparar las materias primas
  • chapir ils process da producziun
  • dumagnar ils process da lavur persunals e garantir la qualitad
  • garantir la segirezza da lavur e da sanadad sco era la protecziun da l’ambient e dal mantegniment
  • Curs ordaifer il manaschi

    Davart differents temas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "cheramist / cheramista d’industria AFQ"

Premissas

Furmaziun preliminara
  • scola populara terminada, stgalim mesaun u superiur
Pretensiuns
  • encletga tecnica
  • inschign manual
  • abilitad da chapir connexs
  • fidadadad
  • abilitad da lavurar en in team

Furmaziun supplementara

Curs

purschidas da scolas spezialisadas e professiunalas. Ultra da quai han manaschis da l’industria da quadrels buns contacts cun manaschis en l’exteriur e pussibiliteschan il barat d’experientschas tranter ils cheramists d’industria.

Examen professiunal (EP)

p.ex. spezialist / spezialista da mantegniment cun certificat professiunal federal

Examen professiunal superiur (EPS)

manader diplomà / manadra diplomada da mantegniment

Scola spezialisada superiura (SSS)

studis en champs parentads, p.ex. tecnicist / tecnicista dipl. SSS per process d‘interpresa

En Germania

tecnicist / tecnicista da cheramica a la Scola spezialisada superiura per la furmaziun e la tecnica da cheramica a Höhr-Grenzhausen

Cundiziuns da lavur

Suenter l’emprendissadi pon cheramists d’industria lavurar en differents secturs industrials.

Ina glista actuala dals manaschis che prendan emprendists chatt'ins sin la pagina-web da l’Associaziun svizra da l’industria da quadrels.

Ulteriuras infurmaziuns

swissbrick.ch – Associaziun svizra da l'industria da quadrels
Secretariat
Chascha postala 371
6210 Sursee
Tel: 052 234 70 30
URL: www.swissbrick.ch




orientamento.ch