Vai al titolo

Podolog / Podologa AFQ

Lavurs

Podologas e podologs AFQ s’occupan da la tgira da pes da carstgauns da tuttas vegliadetgnas. Els tractan cunzunt la pel e las unglas. Tras il tractament fan ellas ch’igl è pli empernaivel da purtar chalzers e dad ir a pe e megliereschan las funcziuns da moviment. Sut la surveglianza da las podologas e dals podologs SSS po la glieud da professiun era s’occupar da pazients da risico, per exempel da persunas cun diabetes.

Els exequeschan suandantas lavurs:

Cussegliaziun
  • beneventar la clientella e dumandar ella davart las disas da viver
  • resguardar la situaziun generala per la diagnosa, quai vul dir: stadi da sanadad, malsognas preexistentas, ambient social, bainesser psichic
  • intercurir ils pes e mirar sch’i sa tracta dad ina nauscha posiziun dal pe
  • cussegliaziun en dumondas en connex cun la podologia
  • far mesiraziuns e tests e nudar ils resultads
  • chapir correctamain simplas diagnosas e recepts medicinals e tractar lasuenter
  • far ina proposta da tractament e consultar tenor basegn ina podologa SSS u in’autra persuna dal fatg
Tractament
  • allontanar egls-giazla e pel dira
  • tractar unglas-pe saunas e creschidas en e las metter en la dretga furma
  • enfaschar u far in pulstrà cumpact
  • far massascha als pes u als oss radunds
  • far gimnastica da pes, quai vul dir, exercizis per il rinforzament da la musculatura dal pe
Cussegliaziun
  • dar cussegls cunter las dolurs u malsognas dals pes
  • cussegliar la clientella en connex cun il tractament
  • mussar exercizis che pon vegnir fatgs a chasa
  • infurmar davart il diever da solas ortopedicas en chalzers u da chalzers spezials ortopedics
Preparaziun ed elavuraziun suandanta
  • avrir actas da pazients e las actualisar cuntinuadamain
  • fixar termins e manar l’agenda da termins
  • quintar giu custs e tschentar quint
  • empustar material e controllar la furniziun
  • tegnair schuber e mantegnair bain la pratica
  • sterilisar ils instruments e dischinfectar il plaz da lavur
  • dismetter ils ruments adattà a l’ambient

Scolaziun

Durada

3 onns

Furmaziun en la pratica

en ina pratica da podologia

Furmaziun en scola

1 di l'emna a la scola professiunala a Zofingen

Roms professiunals

  • Cussegliaziun da las pazientas e dals pazients
  • Preparar e nettegiar il plaz da lavur
  • Exequir lavurs administrativas
  • Exequir tractaments podolgics (cun excepziun da tractament chirurgics)
  • Applitgar meds d'agid podologics e spezialitads

Curs ordaifer il manaschi

Emprender ed exercitar a moda pratica la basa professiunala, 18 dis durant 3 onns

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Podolog / Podologa AFQ

Premissas

Furmaziun preliminara
  • temp da scola obligatoric terminà
Pretensiuns
  • interess per dumondas medicinal-terapeuticas
  • mauns inschignus e ruassaivels
  • abilitad da communitgar e plaschair da avair contact
  • savair sa sentir en autras persunas
  • discreziun
  • pazienza e perseveranza
  • senn per urden e per igiena
  • conscienza da servetschs

Furmaziun supplementara

Curs

purschidas da l'Associaziun svizra da podologas e podologs SPV

Examen professiunal (EP)

p.ex. massader medicinal / massadra medicinala cun certificat professiunal federal

Scola spezialisada superiura (SSS)

p.ex. podolog / podologa SSS u spezialist d'activaziun diplomà / spezialista d'activaziun diplomada SSS, spezialist da tgira diplomà / spezialista da tgira diplomada SSS

Scola auta spezialisada (SAS)

Direcziun da studi en roms parentads, p.ex. Bachelor of Science (SAS) en fisioterapia u (SAS) en tgira. Tut tenor scola auta spezialisada valan differentas cundiziuns d'admissiun.

Cundiziuns da lavur

Podologas e podologs AFQ lavuran ensemen cun glieud dal fatg dal sectur da la sanadad en praticas da podologia, ospitals ed en chasas d'attempads e da tgira. Durant il tractament portan els in scussal, guants ed in protegia bucca. Tut tenor lur lieu da lavur è il temp da lavur regulars u irregulars.

La professiun po era vegnir exequida a temp parzial. Per avrir in'atgna pratica da podologia èsi necessari d'avair in diplom sco podologa u podolog sin il livel dad ina scola spezialisada superiura (SSS). Ultra da quai dovri ina lubientscha da la direcziun chantunala da sanadad.

Ulteriuras infurmaziuns

Associaziun svizra da podologas e podologs SPV
6210 Sursee
URL: www.podologie.ch

Center da furmaziun e perfecziunament Zofingen (BZZ)
4800 Zofingen
URL: www.bwzofingen.ch



orientamento.ch