?global_aria_skip_link_title?

Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Podolog / Podologa AFQ

Podologas e podologs AFQ tractan pes sauns e malsauns. Els tgiran a moda professiunala problems e raschuns per mal ils pes, la detta-pe e las unglas dals pes. Tras il tractament dals pes e la massascha podologica mantegnan e megliureschan els il moviment ed il bainstar dals pazients e da las pazientas.

Lavurs

Els exequeschan suandantas lavurs:

Cussegliaziun
  • cussegliaziun en dumondas en connex cun la podologia
  • sclerir las raschun dals mals e far ina diagnosa
  • far in plan da tractament e resguardar basegns da persunas cun handicaps corporals, spirtals u linguistics
  • lavurar tenor las indicaziuns da podologs u podologas SSS tar pazients u pazientas  da risico (tenor la glista "definiziun da gruppas da risico" da l'Uniun da podologs svizzers, p.ex. persunas cun reumatissem, diabetes u disturbis da la circulaziun dal sang.)
  • infurmar parents, persunas da tgira e spezialists medicinals davart il tractament e ses decurs
  • manar discurs da vendita en la pratica en connex cun products podologics
Tractament
  • tractar unglas-pe saunas e creschidas en
  • allontanar egls-giazla e pel dira
  • tractament da midadas da l'ungla
  • cumplettaziun parziala d'unglas artifizialas ed applicaziun da la cuvrida
  • furmar sustegns podologics tenor mesira
  • applitgar correcturas da l'ungla
  • enfaschar ils pes
  • vender products da pedicura ed infurmar davart lur utilisaziun
Preparaziun ed elavuraziun suandanta
  • preparar la stanza da tractament per il proxim client
  • nettegiar il plaz da lavur e preparar ils instruments en il labor
  • preparar tractaments ordaifer la pratica
  • dismetter material da diever e tractament
  • surpigliar pensums administrativs (controllar il material, tener quint davart ils custs, metter a quint, planisar termins, actualisar las documentaziuns dals pazients)

Scolaziun

Basa legala

Ordinaziun federala dals 29-9-2020

Durada

3 onns

Furmaziun en la pratica

en ina pratica da podologia

Furmaziun en scola

1 di l'emna a la scola professiunala a Zofingen

Roms professiunals

  • Cussegliaziun da las pazientas e dals pazients
  • Preparar e nettegiar il plaz da lavur
  • Exequir lavurs administrativas
  • Exequir tractaments podolgics (cun excepziun da tractament chirurgics)
  • Applitgar meds d'agid podologics e spezialitads

Curs ordaifer il manaschi

Emprender ed exercitar a moda pratica la basa professiunala

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa. Davart detagls infurmescha la scola professiunala.

Diplom

Attestat federal da qualificaziun "podolog / podologa AFQ"

Premissas

Furmaziun preliminara
  • scola populara terminada
Pretensiuns
  • interess per dumondas medicinal-terapeuticas
  • mauns inschignus e ruassaivels
  • pazienza e perseveranza
  • nagina tema da contacts
  • abilitad da supportar squitsch
  • abilitad da communitgar e plaschair da contacts
  • empatia, chapientscha ed avertadad per differentas persunas
  • buna demananza e cumparsa confurma a la situaziun
  • discreziun
  • senn per urden e per igiena
  • abilitad d'organisar
  • conscienza da servetschs

Furmaziun supplementara

Curs

purschidas da l'Associaziun svizra da podologas e podologs SPV

Examen professiunal (EP)

p.ex. massader medicinal / massadra medicinala cun certificat professiunal federal

Scola spezialisada superiura (SSS)

p.ex. podolog / podologa SSS u spezialist d'activaziun diplomà / spezialista d'activaziun diplomada SSS, spezialist da tgira diplomà / spezialista da tgira diplomada SSS

Scola auta spezialisada (SAS)

p.ex. Bachelor of Science (SAS) en fisioterapia, Bachelor of Science (SAS) en tgira. Tut tenor scola auta spezialisada valan differentas cundiziuns d'admissiun

Cundiziuns da lavur

Podologas e podologs AFQ lavuran en praticas da podologia, ospitals ed en chasas d'attempads e da tgira. La professiun po era vegnir exequida a temp parzial. Il martgà da lavur sa differenziescha tut tenor regiun, da princip datti però bleras plazzas. Per avrir in'atgna pratica da podologia èsi necessari d'avair in diplom da la scola spezialisada superiura (SSS) ed ina lubientscha da la direcziun chantunala da sanadad.

Ensemen cun la medischina sa sviluppa la podologia cuntinuadamain. Per mantegnair ed augmentar las schanzas sin il martgà da lavur èsi indispensabel da restar al current pertutgant svilups medicals e tecnics.

Ulteriuras infurmaziuns

Associaziun svizra da podologas e podologs SPV
Secretariat
6210 Sursee
Tel: + 41  41 926 07 61
URL: www.podologie.ch

Center da furmaziun e perfecziunament Zofingen (BZZ)
4800 Zofingen
Tel: +41 62 745 56 00
URL: www.bwzofingen.ch

Survista professiuns da sanadad:
URL: www.gesundheitsberufe.ch

Revista professiunala:
"Podologie Schweiz"



orientamento.ch