Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Ortopedist / Ortopedista AFQ

Ortopedistas ed ortopedists fan meds d’agid per umans cun abilitads restrenschidas da chaminar, da star en pe u da seser. Els fan protesas, ortesas e meds da reabilitaziun ed infurmeschan davart lur diever.

Lavurs

Tras malsognas, accidents u mendas da naschientscha pon umans esser restrenschids en lur libertad da sa mover. Cun lur lavur gidan ortopedistas ed ortopedists questas persunas a meglierar lur mobilitad. Els fan protesas, ortesas e meds da reabilitaziun ed als adatteschan tenor basegn. Protesas remplazzan in member mancant u in member che na funcziuna betg pli uschè bain. Ortesas èn stgainas, corsets u solas ortopedicas che sustegnan e curregian la posiziun dal corp. In med da reabilitaziun po sustegnair il dies da persunas en sutgas cun rodas sco era la posiziun da seser u da giaschair dad umans cun ina mobilitad restrenschida.

Ensemen cun il medi, il fisioterapeut, ils purtaders dals custs e cun il client sclereschan ils ortopedists tge med d’agid ch'è adattà. Mintga protesa, ortesa u mintga med da reabilitaziun vegn planisà, producì e documentà a moda individuala. Savens sto il cundriz, per exempel durant la fasa da reabilitaziun, vegnir adattà pliras giadas u puspè midà fin ch’el correspunda optimalmain als basegns dal client. Ortopedists èn era responsabels per las reparaturas dals meds d’agid ortopedics.

Cun empatia ed enconuschientschas da l'anatomia e da la patologia cusseglian ortopedists lur clients: els mussan co ch'ils meds d’agid pon simplifitgar lur mintgadi. Cun lur lavur da precisiun pussibiliteschan els als clients da purtar a moda agreabla e segira la protesa u l’ortesa ed augmentan la qualitad da viver dals pertutgads. Grazia als novs svilups tecnics èn ils agids da seser, da chaminar e da star en pe adina pli estetics e natirals.

Ortopedists fan lavur da precisiun manuala. Per producir ils agids da moviment dovran els differents metals, lain, materia sintetica, gip, tgirom e materials da pulstrada. Confurm a la varietad dals materials e dals process da lavur dovran ils spezialists differents apparats e maschinas. Ortopedists resguardan las prescripziuns d’igiena sco era la protecziun da la sanadad e da l’ambient.

Scolaziun

Basa legala

Ordinaziun federala 12-6-2008

Durada

4 onns

Furmaziun en la pratica

en in lavuratori ortopedic

Furmaziun en scola

1 di l'emna a la scola professiunala a Turitg u Losanna

Roms professiunals

  • ortetica
  • protetica
  • orto-reabilitaziun/meds da reabilitaziun
  • process da lavur, garanzia da la qualitad
  • segirezza da la lavur, protecziun da la sanadad e da l’ambient
  • basas da las scienzas natiralas

Curs ordaifer il manaschi

davart differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "ortopedist / ortopedista AFQ"

Premissas

Furmaziun preliminara
  • scola populara terminada, per regla il pli aut stgalim da scola
  • bunas prestaziuns en quints, fisica, dissegn, dissegn tecnic sco era lavurs manualas
Pretensiuns
  • interess per dumondas medicinalas
  • plaschair da lavurar cun differents materials
  • enclegientscha tecnica
  • inschign manual
  • senn per furmas
  • moda da lavurar precisa e conscienziusa
  • empatia
  • abilitad da communitgar e plaschair da contacts
  • sensori per giavischs da la clientella
  • autonomia
  • abilitad da supportar squitsch
  • talent d’organisaziun
  • pazienza e perseveranza

Furmaziun supplementara

Curs

purschidas da l’Associaziun svizra dals tecnicists d'ortopedia (ASTO) sco era purschidas en gestiun d'interpresa da l'AKAD e da l'Institut svizzer per la furmaziun d'interprendiders

A l'exteriur

purschidas da la Scola spezialisada per tecnica d'ortopedia a Dortmund, Germania

Examen professiunal (EP)

spezialist / spezialista per tecnica da reabilitaziun cun certificat professiunal federal

Examen professiunal superiur (EPS)

ortopedist / ortopedista dipl.

Cundiziuns da lavur

Ortopedists lavuran en ateliers ortopedics da clinicas e centers da reabilitaziun.

La purschida da plazzas d’emprendissadi è plitost pitschna. Per il mument scoleschan mo paucs manaschis emprendists. La professiun pretenda per quest motiv ina tscherta flexibilitad en connex cun il lieu da lavur.

Spezialists cun ina buna scolaziun èn tschertgads en Svizra ed a l’exteriur. Per incumbensa d’organisaziuns d’agid internaziunalas pon els per exempel era far servetschs a l’exteriur en territoris da guerra e da crisas.

Cun ina furmaziun supplementara correspundenta èsi pussaivel da lavurar en ina posiziun da cader en in atelier ortopedic, da surpigliar ina lavur sco manader da filiala d’in affar da vendita per meds d’agid ortopedics u da lavurar independentamain.

Ulteriuras infurmaziuns

Associaziun svizra dals tecnicists d'ortopedia (ASTO)
Moosstr. 2
3073 Gümligen
Tel: 031 952 78 81
URL: www.svot.ch



orientamento.ch