?global_aria_skip_link_title?

Spezialist / Spezialista da tgira AFQ

Lavurs

Spezialists e spezialistas da tgira accumpognan tut tenor direcziun uffants, persunas attempadas u persunas cun impediments corporals u mentals che dovran sustegn en lur mintgadi.  Els accumpognan las persunas en differentas situaziuns dal mintgadi, gidan els da mangiar, tar l’igiena da corp e da sa muventar. Ultra da quai encuraschan els las persunas da tgirar contacts socials e da mantegnair e da rinforzar lur independenza.

Els exequeschan suandantas lavurs:

Sustegnair persunas en lur mintgadi
  • surpigliar tut tenor direcziun uffants, giuvenils, persunas attempadas u persunas cun impediments
  • esser responsabels per l’igiena da corp da las persunas: tut tenor la situaziun da la persuna sa quai esser da far endament ad insatgi da sa lavar u da far si chavels u da sa gidar cun la persuna da far quai u schizunt surpigliar tschertas chaussas sco tagliar unglas
  • gidar da trair en resti u cussegliar tge resti eleger, per exempel per tschertas occurrenzas u per las stagiuns
  • organisar cumpras per cuschinar tschaveras simplas ed equilibradas
  • integrar creschids ed uffants vid las activitads en cuschina e da servir, gidar da mangiar sche necessari
  • nizzegiar la chaschun da promover las abilitads da sa mover da persunas pli veglias u da persunas cun impediments, per exempel cun exercizis dal corp, cun gieus u cun lavurs da chasa adattadas.
  • endrizzar locals d’inscunter e decorar els tenor situaziun correspundenta, tgirar plantas sco er mantegnair apparats ed infrastructura
  • encuraschar las persunas da mantegnair u schizunt meglierar lur independenza uschè ditg ed uschè bain sco pussaivel
Organisar activitads socialas, educativas e culturalas
  • organisar differentas activitads socialas sco festas, tschaveras cuminaivlas u excursiuns per promover ils contacts socials e la vita en cuminanza
  • organisar program da temp liber u divertiment per svegliar e promover l’interess vid la vita culturala, per exempel producziuns cun saut u da chant u sairas da film
  • structurar dis ed emnas, planisar latiers ensemen il mintgadi ed introducir rituals sco per exempel tschaveras regularas, excursiuns planisadas u festivar dis d’anniversari ed autras festas
  • exequir differentas incaricas administrativas sco scriver rapports e brevs u communitgar cun autoritads e parents da las persunas assistidas

Scolaziun

Durada

3 onns, per creschids è ina furmaziun scursanida pussaivla

Direcziuns

  • uffants
  • persunas cun impediments
  • persunas attempadas
  • furmaziun generala

Furmaziun en la pratica

En in manaschi da la direcziun tschernida, per exempel en ina chasa da dimora u en ina canorta d’uffants

Furmaziun en scola

per ordinari 1½ dis per emna a la scola professiunala

Roms professiunals

  • far diever da cumpetenzas transversalas
  • accumpagnar en il mintgadi
  • pussibilitar l'atgna autonomia e participaziun
  • lavurar en in’organisaziun ed en in team
  • agir en situaziuns d'accumpagnament specificas
  • sustegnair furmaziun e svilup mantegnair e promover la qualitad da viver

Curs ordaifer il manaschi

Emprender ed exercitar a moda pratica las basas professiunalas, 20 dis durant 3 onns

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant u suenter la furmaziun da basa.

Diplom

Spezialist / Spezialista da tgira AFQ

Premissas

Furmaziun preliminara
  • temp da scola obligatoric terminà

Per creschids èsi pussaivel d'absolver la furmaziun da basa scursanida. Per infurmaziuns detagliadas pon  ins s'infurmar tar l'uffizi per  la furmaziun professiunala dal chantun.

Pretensiuns
  • plaschair vi dal contact cun carstgauns
  • pregnant senn per empatia
  • stabilitad psichica ed abilitad da supportar squitsch
  • buna demananza, abilitad da lavurar en in team, da schliar conflicts e da communitgar
  • buna constituziun corporala
  • ferm senn da responsabladad
  • abilitad d’organisar
  • flexibilitad: prontadad per temps da lavur irregulars

Furmaziun supplementara

Curs

purschidas d’associaziuns professiunalas e da scolas autas e spezialisadas

Qualificaziun supplementara

p.ex. manader / manadra d’ina canorta d’uffants pitschens

Examen professiunal (EP)

Cun certificat professiunal federal:

  • accumpagnader social
  • manadra da team en instituziuns socialas e medical-socialas
  • spezialist da migraziun
  • spezialista  per tgira da lunga durada ed accumpagnament
  • spezialist per tgira psichiatrica ed accumpagnament
  • spezialista per l'accumpagnament da persunas impedidas
  • accumpagnader socioprofessiunal
  • Job Coach, integraziun da lavur

Examen professiunal superiur (EPS)

p. ex. manader d’instituziuns diplomà en il sectur social e social medicinal, supervisura - coach, cussegliader d'organisaziun

Scola spezialisada superiura (SSS)

pedagoga sociala dipl. SSS, pedagog da l’uffanza dipl. SSS, animatura da communitads dipl. SSS, manader socioprofessiunal dipl. SSS

Scola auta spezialisada (SAS)

p.ex. Bachelor of Arts/Science (SAS) en lavur sociala u Bachelor of Science (SAS) en psicologia applitgada. Tut tenor scola auta spezialisada valan differentas cundiziuns d’admissiun.

Cundiziuns da lavur

Spezialistas e spezialists da tgira stattan en stretg contact cun las persunas ch’els accumpognan durant activitads da mintgadi en lur mintgadi da lavur. Per part han els er contact cun lur confamigliars e cun autoritads. Tut tenor instituziun lavuran els en in team cun spezialists dal fatg ord il sectur social e pedagogic. La glieud da professiun ha savens temp da lavur irregular e ston per part er lavurar las dumengias u dis da festa.

Spezialists e spezialistas da tgira pon lavurar en differentas instituziuns: en canortas, en centers per uffants u giuvenils, chasas per persunas attempadas sco er en instituziuns per carstgauns cun impediments corporals u mentals. Sche las persunas da professiun sa furman vinavant pon ellas surpigliar pli tard posiziuns en la  gestiun u en il management da instituziuns.

Ulteriuras infurmaziuns

SAVOIRSOCIAL
4600 Olten
URL: www.savoirsocial.ch





orientamento.ch