Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Spezialist / Spezialista d’occurrenzas AFQ

Spezialists e spezialistas d’occurrenzas èn tar occurrenzas cun public sco er tar producziuns da film e televisiun responsabels per la sonorisaziun, l’illuminaziun e per la projecziun da videos. Els installeschan tribunas ed indrizs tecnics, als drizzan en ed als fan ir.

Lavurs

Spezialists e spezialistas d’occurrenzas èn responsabels per ils aspects tecnics tar preschentaziuns da teater ed opera, producziuns da televisiun e video sco er events e fieras.  Els guardan davos las culissas per il decurs segir da concerts, fieras e shows. Durant questas occurrenzas e producziuns èn els ils spezialists per la construcziun e la demontascha sco er il drizzar en e far ir la tecnica: tecnica d’illuminaziun, tecnica dal tun, tecnica da video, construcziuns da tribunas, integraziun da las medias ed effects spezials.

Tenor ils plans construeschan spezialists d’occurrenzas ils indrizs tecnics per l’illuminaziun, il tun ed il maletg. Cun lur enconuschientschas davart la tecnica dal tun, dal maletg e da l’illuminaziun elegian els per exempel ils reflecturs ed ils autpledaders adattads per las cundiziuns spazialas.  Els encableschan las singulas cumponentas da l’indriz, furneschan electricitad e fan tests cun l’indriz.

Spezialists d’occurrenzas èn responsabels per la montascha e la demontascha da construcziuns da tribunas. Tenor il plan collian els ils elements da construcziun ed als segireschan. L’eriger construcziuns purtantas segiras, palancaus e construcziuns temporaras – tant en stanzas sco er en il liber – tutga tar lur vita professiunala da mintgadi. Els monteschan e reconstrueschan quai ch’è necessari per il teater grond, per la show impressiunanta u per il grond spectacul al liber. Durant l’occurrenza manischeschan els las installaziuns da la tribuna e dals indrizs da la tecnica da scena.

En connex cun l’integraziun da las medias drizzan spezialists d’occurrenzas en computers, per exempel per projecziuns da video che vegnan duvradas durant concerts. Els collian il computer cun la rait e guardan per ina transmissiun segira da maletg e tun.

In’ulteriura incumbensa da spezialists d’occurrenzas è il diever d’effects spezials sco fim e tschajera. Els enconuschan ils effects e pon valitar, cura che spezialists sco per exempel pirotecnicists / pirotecnicistas ston vegnir consultads.

Tar tut las lavurs resguardan spezialists d’occurrenzas las prescripziuns da la segirezza da la lavur, da la prevenziun d’accidents e la protecziun da l’ambient. Els prendan mesiras che garanteschan la segirezza da la lavur e la protecziun da la sanadad per sasez, per il team tecnic ed ils artists / las artistas.

Scolaziun

Basa legala

Ordinaziun federala 1-2-2011

Durada

4 onns

Furmaziun en la pratica

En in manaschi d’emprendissadi

Furmaziun en scola

A la scola professiunala a Turitg u Lausanne, 2 dis per emna en il 1. e 2. onn d’emprendissadi, 1 di per emna en il 3. e 4. onn d’emprendissadi

Roms professiunals

  • enconuschientschas professiunalas: tecnica d’illuminaziun, tecnica dal tun, tecnica da video, construcziuns da tribunas, integraziun da las medias, effects spezials, tecnica da segirezza, provediment d’energia, process da producziun, administraziun dal material
  • enconuschientschas professiunalas generalas: electronica ed electrotecnica, fisica, chemia e material da fabricaziun, matematica, englais

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "spezialist / spezialista d’occurrenzas AFQ"

Premissas

Furmaziun preliminara
  • scola populara terminada, stgalim mez u stgalim aut
Pretensiuns
  • enclegientscha tecnica
  • buna constituziun corporala (vesida da colurs, forza fisica, udida cumplaina)
  • avair nagina tema d’autezza
  • abilitad d’organisar
  • auta abilitad da lavurar en in team

Furmaziun supplementara

Curs

purschidas da scolas spezialisadas e professiunalas sco er da l’associaziun Schweizer Verband technischer Bühnen- und Veranstaltungsberufe svtb-astt

Examen professiunal (EP)

tecnicist / tecnicista d’occurrenzas  cun certificat professiunal federal
Actualmain na vegnan manads tras nagins examens professiunals

Scola spezialisada superiura (SSS)

studis en secturs spezials parentads

Scola auta spezialisada (SAS)

studis en secturs spezials parentads, p.ex. Bachelor of Science (SAS) en electrotecnica

Cundiziuns da lavur

Spezialists d’occurrenzas lavuran en teaters, locals d’occurrenzas, manaschis da producziun da film e televisiun, studios dal tun, firmas d’event u manaschis da construcziun per fieras. En il manaschi da producziun ed event èsi cler ch’il temp da lavur è malregulà e ch’i dat era bler lavur durant la fin d’emna e la notg.

Ulteriuras infurmaziuns

Schweizer Verband technischer Bühnen- und Veranstaltungsberufe svtb-astt
Mainaustr. 30
Postfach
8034 Zürich
Tel: 044 388 74 84
URL: www.veranstaltungsfachmann.ch




orientamento.ch