Pagina iniziale miOriento

Interessi e caratteristiche personali - Passo 1: Prendo conoscenza dei miei interessi e delle mie caratteristiche personali

Professioni e formazioni - Passo 2: Esploro le diverse professioni e formazioni

Caratteristiche personali e abilità - Passo 3: Confronto i miei interessi e le mie caratteristiche personali con le abilità richieste dalle professioni e formazioni

Stage d'orientamento - Passo 4: Svolgo degli stage d'orientamento per scoprire qual è la professione più adatta a me

Esaminare e prendere una decisione - Passo 5: Esamino i mestieri e le formazioni per elaborare il mio progetto formativo

Tirocinio in azienda o scuola a tempo pieno - Passo 6: Metto in pratica la mia decisione: cerco un posto di tirocinio o mi iscrivo ad una scuola

Prepararsi per la nuova formazione - Passo 7: Mi preparo alla nuova formazione o valuto se optare per una soluzione transitoria

Cartella di lavoro - I tuoi risultati

Per favore attendere...

miOriento sta caricando.

Disconnesso

La sua sessione di lavoro è finita. Verrà reindirizzato sulla pagina iniziale. Si connetta nuovamente per continuare la sessione.

Pictur / Pictura da decors da teater AFQ

Picturs e picturas da decors da teater planiseschan e creeschan tocca da decoraziun per tribunas, film e televisiun. Els picturan sin diversas materialias sco tailas da mangola e tul, elavureschan mobiglias e requisits, tractan surfatschas cun massas plasticas e malegian letras.

Lavurs

Picturs e picturas da decors da teater exequeschan lavurs d’art artisanala en teaters, operas ed ateliers. Els picturan ed elavureschan tocca per decoraziuns da tribunas, dentant era per decoraziuns en film e televisiun. Cun lur lavur gidan els a crear la culissa per in teater, in’opera u per producziuns da film e televisiuns.

Las picturas e la tocca da decoraziun elavureschan picturs da decors da teater tenor atgnas ideas e skizzas da decoraturs da tribuna. Els transponan ils sbozs a las mesiras dal teater correspundent. Cun agid da griglias u projecziuns transfereschan els las skizzas en il format adequat.

Picturs da decors da teater realiseschan picturas da prospects, da transparents e d’imitaziuns. Els picturan era mobiglias, palantschieus, paraids, requisits e costums. Tut tenor l’effect giavischà fan els diever da la tecnica da picturar adequata. Els imiteschan per exempel la structura da la surfatscha da differentas materialias e tractan la surfatscha cun massas plasticas adattadas.

Era la reparatura ed il mantegniment da tocca da decoraziun e d’elements da la construcziun da tribunas fan part dals pensums da picturs da decors da teater. Els renoveschan per exempel culissas veglias e prospects da tribuna cun colur frestga.

Picturs da decors da teater fan diever da numerus guaffens, apparats e maschinas per l’elavuraziun e la colliaziun da las differentas materialias. Durant l’utilisaziun da dissolvents, meds da rarificaziun, meds d’empizzir e da bugadar ed il diever da collas fan els attenziun da resguardar las directivas davart la sanadad. Els allontaneschan las materialias restantas a moda adattada a l’ambient.

Picturs da decors da teater lavuran individualmain vi da pitschnas lavurs ed en in team vi da gronda tocca da decors. Els lavuran en cooperaziun stretga cun auters collavuraturs dal teater sco decoraturs da tribuna, scrinaris da teater e constructurs da metal. Tar tut las lavurs resguardan els las prescripziuns davart la protecziun da l’ambient e da la sanadad e davart la segirezza da la lavur.

Scolaziun

Basa legala

Ordinaziun federala 20-9-2011

Durada

4 onns

Furmaziun en la pratica

En in teater, in’opera u en in atelier d’art

Furmaziun en scola

1 di per emna a la scola professiunala da creaziun a Turitg

Roms professiunals

  • istorgia da l’art e dal teater
  • creaziun da picturas da teater

Curs ordaifer il manaschi

Emprender ed exercitar a moda pratica la basa professiunala

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "pictur / pictura da decors da teater AFQ"

Premissas

Furmaziun preliminara
  • scola populara terminada
  • Il curs preliminar d’ina scola da creaziun è recumandà, dentant betg ina premissa obliganta.
Pretensiuns
  • creativitad
  • senn per l’estetica
  • dun da picturar ed inschign manual
  • imaginaziun spaziala
  • abilitad da communitgar
  • dun receptiv
  • abilitad da lavurar en in team
  • nagins disturbis da la vesida da colurs
  • buna sanadad, bun dies
  • avair nagina tema da lavurar en l’autezza
  • naginas allergias u asma

Furmaziun supplementara

Curs

purschidas da scolas e scolas autas da creaziun en Svizra ed a l’exteriur tar temas sco l’equipament da film, istorgia d’art, creaziun da colurs, tecnica da teater, architectura d’interiurs etc.

Examen professiunal (EP)

colurist / colurista cun certificat federal

Scola spezialisada superiura (SSS)

cun diplom federal: creader / creadra d’ art figurativ SSS, creader / creadra da design da products SSS

Scola auta spezialisada (SAS)

cun furmaziun preliminara adequata direcziuns da studi da Bachelor e Master en il sectur da teater, p.ex. Bachelor of Arts (SAS) en teater, profundaziun scenografia

Cundiziuns da lavur

Picturs da decors da teater lavuran principalmain en teaters gronds, operas ed ateliers d’arts u independentamain per incumbensa da societads da la producziun da films. Auters secturs da l’art artisanal sco l’organisaziun d’events u la construcziun da stans porschan ulteriuras pussaivladads d’occupaziun.

La purschida da plazzas è limitada sin 40 plazzas en Svizra. Normalmain resta la glieud professiunala ditg en lur professiun e na mida betg la plazza. Plazzas d’emprendissadi vegnan purschidas en teaters pli gronds.

Ulteriuras infurmaziuns

Schweiz. Theatermaler Verband
c/o A. Diethelm, Opernhaus
Zürich AG
Seerosenstr. 4
8008 Zürich
Tel: 044 268 65 67
URL: www.stmv.ch




orientamento.ch