Vai al titolo

Spezialist / Spezialista da traffic public AFQ

Spezialists e spezialistas da traffic public lavuran per manaschis da tren, bus, tram ni bastiments. En las partiziuns da planisaziun e las centralas dal traffic planiseschan e realiseschan els purschidas per lur clientella. Els segireschan il manaschi, communitgeschan cun la clientella e garanteschan per buns decurs el mintgadi da lavur.

Lavurs

Els exequeschan suandantas lavurs:

Purschidas per clientella e communicaziun
  • sviluppar purschidas per la clientella, elavurar concepts da manaschi per servetschs da transport (traffic da rauba e persunas)
  • elavurar e valitar differentas variantas d'uraris
  • eruir basegn da persunal, vehichels e material per savair realisar las purschidas
  • elavurar plans da lavur per persunal, vehichels u autras resursas
  • endatar infurmaziuns da la clientella en ils sistems
  • communitgar cun la clientella en l'emprima u segunda lingua naziunala u per englais
  • annunziar a bucca u a scrit schebain il manaschi normal na po betg vegnir realisads e gidar persunas pertutgadas sch'i fa basegn
  • prender encunter reclamaziuns u auters resuns da la clientella e las elavurar
Procedura dal manaschi ed infrastructura
  • gidar ch'il manaschi da transport funcziuni senza incaps e ch'il manaschi normal possia vegnir mantegnids
  • percorscher disturbis e autras divergenzas dal manaschi normal ed instradar las mesiras necessarias
  • adattar ils plans da lavur da persunal e vehichels sco l'utilisaziun da l'infrastructura tar midadas, p.ex. tar retards
  • endatar las datotecas dal manaschi e procurar per las proceduras necessarias
  • proponer meglieraziuns u optimaziuns da las proceduras dals manaschis, far preschentaziun ed instradar midadas
  • controllar sche proceduras novas ed optimaziuns dal manaschi funcziunan e fan senn
  • enconuscher las mesiras da la segirezza da lavur e las perscripziuns da la protecziun d'ambient

Scolaziun

Durada

3 onns

Furmaziun en la pratica

En in’interpresa svizra, regiunala u municipala da la viafier, dal tram u dal bus.

Furmaziun en scola

1 di per emna al center da furmaziun professiunala BBZ ad Olten

Roms professiunals

  • planisaziun e realisaziun da la purschida per la clientella
  • segirar il manaschi operativ
  • communitgar cun clientella sco er cun persunas da contact
  • optimar las purschidas ed ils process dal manaschi

Curs ordaifer il manaschi

Emprender ed exercitar a moda pratica la basa professiunala

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "spezialist / spezialista da traffic public AFQ"

Premissas

Furmaziun preliminara
  • temp da scola obligatoric terminà
Pretensiuns
  • entusiassem per il mund dal traffic
  • plaschair da lavurar cul computer
  • pensar cumplessiv
  • fidadadad e senn da responsabladad
  • bun dun d'organisar
  • abilitad da lavurar en in team
  • abilitad da communitgar e plaschair vi da linguas estras (englais e secunda lingua naziunala)
  • prontadad per temps da lavur irregulars

Furmaziun supplementara

Curs

purschidas da scolas professiunalas, da centers da furmaziun supplementara sco era d’associaziuns professiunalas e federaziuns interprofessiunalas, p.ex. directur da la circulaziun dals trens, spezialista per la planisaziun da lavurar, post da cumond u management d'eveniments, planisadra dal traffic, manadra dal servetsch da transports

Examen professiunal (EP)

p.ex. spezialist da traffic public cun certificat professiunal federal

Examen professiunal superiur (EPS)

p.ex. managera diplomada da traffic public

Scola spezialisada superiura (SSS)

spezialist diplomà / spezialista diplomada dal turissem SSS, manager diplomà / managera diplomada da marketing SSS

Scola auta spezialisada (SAS)

Bachelor of Science SASTU da sistems da traffic; Bachelor of Science SAS da turissem; Bachelor of Science SAS da Business Administration, approfundaziun en turissem e mobilitad. Tut tenor scola auta spezialisada valan differentas cundiziuns d'admissiun.

Cundiziuns da lavur

Spezialistas e spezialist da traffic public lavuran en interpresas naziunalas, regiunalas u municipalas da la viafier, dal tram u dal bus. Il transport da persunas e rauba passa ura per ura, mintga di. Ord quai motiv èn ils temps da lavur savens  irregulars ed ins sto per part era lavurar la saira u la fin d’emna. Lavur parziala è pussaivla. En ils blers manaschis è il contract da lavur reglads tras il contract collectiv da lavur. Il traffic public è in impurtant med per che la mobilitad, la protecziun da l'ambient e dal clima sajan en accord. Er è il traffic public in conturn da lavur cun bunas perspectivas per il futur.

Ulteriuras infurmaziuns

Verband öffentlicher Verkehr VöV
Dählhölzliweg 12
Postfach
3005 Berna
Tel: +41 31 359 23 23
URL: www.voev.ch

login Berufsbildung
Bewerbungszentrum
Riggenbachstr. 8
Postfach
4601 Olten
Tel: +41 848 822 422
URL: www.login.org



orientamento.ch