Vai al titolo

Stagner / Stagnera AFQ

Lavurs

Stagners e stagneras èn spezialists e spezialistas protegian tetgs e fatschadas da las influenzas da l’aura sco plievgia, naiv, granella, vent e sulegl. Els fabritgeschan elements da construcziun sco bischens, roms da las fanestras e fixeschan revestgiment spezial vid las paraids externas. Cun lur lavur contribueschan els medemamain a l'effizienza d'energia e l'estetica dals edifizis.

Els exequeschan suandantas lavurs:

Planisar lavurs ed endrizzar plazzals
  • examinar ed interpretar plans u prender mesiras al lieu
  • cussegliar la clientella e recumandar in revestgiment adattà da las fatschadas fabritgar cun agid da meds digitals dissegns dad elements da construcziun per tetgs plats u inclinads
  • calcular ed empustar la quantitad dals materials duvrads
  • organisar il transport ed il deposit dals materials sin il plazzal
  • montar puntanadas e segirar il plazzal
  • planisar ils emprims pass da la fabricaziun e montascha
Fabritgar ils elements da construcziun en il lavuratori
  • fabritgar construcziuns ord lain e metal ch’i dovra per montar ils elements da construcziun
  • transcriver emprim las mesiras exactas sin il sturs per producir ils bischens da la deflussiun da l’aua e da la ventilaziun
  • tagliar precisamain ils sturs cun agid da forschs electricas, resgias da metal u maschinas da roboters
  • storscher, squadrar e pressar ils sturs, unir, struvegiar, rebatter e buglir ensemen ils elements
  • fabritgar elements decorativs tenor mesira
Montar elements da construcziun sin il plazzal
  • tschentar rasadas d’isolaziun vid fatschadas e  tetgs
  • montar revestgiments e cuvridas
  • montar elements prefabritgads sco fanestras da tetg,  vaus da glisch, drenaschas da terrassas, sistems da tschiffar naiv u sistems da segirezza tenor las indicaziuns dil fabritgader
  • fixar, colliar ed installar bischens e chamins
  • installar protecziuns cunter il chametg, indrizs da solar termics e fotovoltaics tenor ils furniturs ed als laschar colliar dils experts dad electro
  • exequir la controlla finala e scriver rapports
Reparar e mantegnair
  • exequir lavurs da reparatura, stuppar sfessas
  • demontar e dismetter ils materials a moda adattada a l’ambient
  • mantegnair guaffens e materials

Scolaziun

Durada

4 onns

Furmaziun en la pratica

En ina stagnaria/tolaria

Furmaziun en scola

1 di per emna a la scola professiunala

Furmaziun en scola a temp cumplain

Scola auta tecnica Berna

Cumpetenzas professiunals

  • Planisaziun da las lavurs
  • Producziun da tocca
  • Installaziun da differentas rasadas sin il tetg plat ed a la fatschada
  • Montascha da tocca sin tetgs plats, sin tetgs cun pendenza e sin la fatschada
  • Execuziun da lavurs da finiziun

Curs ordaifer il manaschi

Emprender ed exercitar la basa professiunala a moda pratica. 51 dis durant 4 onns

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Stagner / Stagnera AFQ

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha pratica
  • imaginaziun dal spazi
  • movibladad corporala
  • sanadad robusta
  • avair nagina tema d’autezza
  • abel da lavurar en in team

Furmaziun supplementara

Curs

purschidas da scolas spezialisadas e professiunalas sco era dals Centers da furmaziun da suissetec, sco era d’interpresas da la branscha da tecnica d’edifizis

Furmaziun da basa scursanida

En ina professiun parentada, p.ex. construider / construidra da ventilaziuns AFQ u installatur sanitar / installatura sanitara AFQ

Examen professiunal (EP)

Cun certificat professiunal federal: polier stagner/ poliera stagnera, manader / manadra da project per tecnica d’edifizis, manader / manadra da project per montaschas da solar, cussegliader / cussegliadra d’energia per edifizis t.a.

Examen professiunal superiur (EPS)

maister stagner

Scola spezialisada superiura (SSS)

tecnicist diplomà SSS tecnica d’edifizis, tecnicista diplomada SSS energia ed ambient

Scola auta spezialisada (SAS)

Direcziuns da studis en champs spezialisads parentads, p.ex. Bachelor of Science (SAS) tecnica d’edifizis u Bachelor of Science (SAS) en la domena d’inschigneria da construcziun. Tut tenor scola auta spezialisada valan differentas cundiziuns d’admissiun

Cundiziuns da lavur

Stagners e stagneras lavuran en stagnarias, en interpresas da stagnaria cun installaziuns sanitaras u en interpresas da stagnaria e cuvratetgs. En general èn las interpresas pitschnas u da grondezza mesauna. Els èn per via sin plazzals u lavuran en il lavuratori dal agen manaschi.  Las persunas dal fatg portan equipament da protecziun cun egliers, chapellinas e chalzers da segirezza. Els lavuran ensemen cun ils patruns, mastergnants ed electricists, han dentant er contact cun la clientella. Lur temp da lavur e regulars, i dat dentant era fasas intensivas cun bler lavur, per savair sa tegnair vid ils termins.

Suenter intgins onns experientscha da lavur pon las persunas dal fatg surpigliar posiziuns da responsabladad sco per exempel manadra da team u manader dal plazzal. Intgins sa spezialiseschan sin la cussegliaziun da la clientella e surpiglian alura la direcziun da projects.

Ulteriuras infurmaziuns

Schweizerisch- Liechtensteinischer Gebäudetechnikverband (suissetec)
8021 Zürich
URL: www.suissetec.ch

Technische Fachschule Bern
3013 Bern
URL: www.tfbern.ch



orientamento.ch