Vai al titolo

Practicist / Practicista da construcziun da fatschadas AFP

Practicists e practicistas da construcziun da fatschadas cuvran las parts exteriuras dals edifizis. El monteschan fatschadas or da metal, fibrocement, vaider ed autras materialias. Els installeschan isolaziuns cunter la chalur sut la paraid da l’edifizi. Cun lur lavur procuran els per edifizis protegì cunter fradaglia, chalira, umiditad ed uschè po energia vegnida spargnada.

Lavurs

Els exequeschan suandantas lavurs:

Preparar il plazzal
  • preparar il material, ils guaffens ed apparats tenor instrucziuns
  • chargiar e segirar ils vehichels, transportar e deponer il material sin il plazzal
  • gidar d'installar las maschinas e da segirar il plaz da lavur
Construcziun da fatschadas
  • gidar da far l'elecziun dal dretg material per las fatschadas, p.ex. fibrocement, lain, cheramica, metal, crap natiral u vaider
  • mesirar las surfatschas da las fatschadas, far simpels plans e tagliar exactamain il material
  • montar las subconstrucziuns e l'isolaziun cunter la chalur e fixar ils elements da fatschadas cun il tarader e la pistola da guttas vid la construcziun
  • enconuscher e resguardar las prescripziuns davart la segirezza da la lavur
  • exequir lavurs da finiziun vid chavas e colliaziuns
  • rumir ils plazzals e scriver rapports da lavur
Lavurs da reparatura
  • renovar e nettegiar las fatschadas, stuppar stgarps
  • spazzar e remplazzar elements da fatschada ruts
  • mantegnair guaffens e maschinas
  • dismetter ils ruments a moda adattada a l’ambient

Scolaziun

Basa legala

Ordinaziun federala 21-10-2016 (versiun dal 1-1-2018)

Durada

2 onns

Furmaziun en la pratica

En in manaschi da la branscha da paraids e mirs exteriurs d’edifizis

Furmaziun en scola

Curs en bloc a la scola professiunala a Uzwil/SG u Les Paccots/FR

Roms professiunals

  • prescripziuns e mesiras davart la segirezza da lavur e la protecziun da la sanadad e da l’ambient
  • installaziun da stresas e sistems vi da paraids e mirs exteriurs
  • tschentar las construcziuns da fatschadas
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attest federal professiunal "practicist / practicista da construcziun da fatschadas AFP"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha pratica
  • enclegientscha tecnica
  • sanadad robusta
  • flexibilitad corporala
  • esser senza sturnizi
  • abilitad da lavurar en in team

Furmaziun supplementara

Curs

purschidas da scolas spezialisadas e scolas professiunalas, da l’uniun Polybau sco era da manaschis da la branscha da paraids e mirs d’exteriur d’edifizis

Constructur / Constructura da fatschadas AFQ

Practicists da construcziun da fatschadas AFP pon frequentar ina furmaziun scursanida sco constructur / constructura da fatschadas AFQ (entrada al 2. onn da furmaziun da basa).

Suenter quai han els las medemas pussaivladads da furmaziuns supplementara constructur / constructura da fatschadas AFQ.

Cundiziuns da lavur

Practicists e practicistas da construcziun da fatschadas lavuran en manaschis da la branscha da paraids e mirs exteriurs d’edifizis u en uschenumnads manaschis maschadads (mirs exteriurs d’edifizis e tolaria). Quai èn per ordinari manaschis pitschens u mesauns. Practicists da construcziun da fatschadas pon era lavurar en manaschis d’industria che fabritgeschan products per paraids e mirs exteriurs.

La branscha da paraids e mirs exteriurs gioga ina impurtanta rolla per la strategia d'energia da la Confederaziun. Tar la construcziun u sanaziun d'edifizis contribuescha ella per exempel che quels vegnan pli effizients areguard l'energia. Per persunas dil fatg èn las perspectivas professiunals bunas.

Ulteriuras infurmaziuns

Uniun Polybau
Lindenstr. 4
Postfach
9240 Uzwil
Tel: +41 71 955 70 41
URL: www.polybau.ch




orientamento.ch