Vai al titolo

Practicist agrar / Practicista agrara AFP

Practicists agrars e practicistas agraras lavuran en manaschis agriculs. Tut tenor direcziun tegnan e tgiran els animals per la producziun da charn, latg ed ovs. Els emplantan graun, verdura e fritgs, torclan ivas u produceschan vins.

Lavurs

Els exequeschan suandantas lavurs:

En la direcziun agricultura:
  • cultivaziun dad ers e producziun da pavel
  • elavurar il terren, semnar, proteger las plantas da malsognas e parasits e gidar tar la racolta
  • trair animals da niz
  • pavlar e tgirar animals da niz
  • nettegiar stallas ed implants
  • gidar tar la producziun da latg e da charn-bov e charn-port
En la direcziun da culturas spezialas:
  • lavurar en la cultivaziun da verdura, en la pumicultura u la viticultura
  • lavurar il champs da carottas, tagliar la roma dals pumers u tgirar las vits
  • observar la natira
  • racoltar, assortir, pachetar e magasinar ils products
En la direcziun da la viticultura:
  • tgirar las vits
  • elavurar ivas tar vin
  • gidar tar tut las lavurs dal tschaler da vin: davent dal torclar ivas, conservar, emplenir il vin en buttiglias ed al vender

Scolaziun

Basa legala

Ordinaziun federala 14-11-2008 (versiun dal 1.3.2017)

Durada

2 onns

Direcziuns

  • agricultura
  • culturas spezialas (fritgs e verdura)
  • preparaziun dal vin

Furmaziun en la pratica

En in manaschi agricul u en in tschaler da vin

Furmaziun en scola

1 di per emna a la scola professiunala

Roms professiunals

  • direcziun agricultura: cultivaziun da plantas, tegnida d’animals, mecanisaziun ed implants tecnics
  • direcziun culturas spezialas: cultivaziun da plantas, mecanisaziun ed implants tecnics
  • direcziun preparaziun dal vin: cultivaziun da plantas, preparaziun dal vin, mecanisaziun ed implants tecnics
  • Curs ordaifer il manaschi

    Tar differents temas

    Diplom

    Attest federal professiunal "practicist agrar / practicista agrara AFP"

Premissas

Furmaziun preliminara
  • temp da scola obligatoric terminà
Pretensiuns
  • plaschair vi da la lavur cun animals
  • enclegientscha per ils connexs en la natira
  • abilitads praticas
  • enclegientscha tecnica (en contact cun maschinas)
  • buna sanadad e constituziun corporala (resistenza a l’aura, naginas allergias)

Furmaziun supplementara

Curs

purschidas da centers da furmaziun e da cussegliaziun agriculs tar differents temas

Furmaziun da basa cun attestat federal da qualificaziun AFQ

practicists agrars / practicistas agraras AFP pon far ina furmaziun da basa scursanida per cuntanscher in attestat federal da qualificaziun (AFQ) en il champ professiunal "agricultura": access al 2. onn da furmaziun sco pur / pura AFQ, spezialist / spezialista giaglinom AFQ, pumicultur / pumicultura AFQ, ortulan / ortulana da verdura/legums AFQ, viticultur / viticultura AFQ u tecnolog / tecnologa da vin AFQ.
Suenter èn pussaivlas las medemas furmaziuns sco per las furmaziuns da basa correspundentas cun AFQ.

Cundiziuns da lavur

Practicists agrars e practicistas agraras sustegnan purs e puras en lur manaschis. Els lavuran en purarias e champs, plantaschas da puma, vignas e tschalers da vin.

La lavur è dependenta da l’aura e da las stagiuns. Mintgatant datti fitg bler da far, er durant la saira u la fin d’emna.

Practicists agrars e practicistas agraras èn persunas dal fatg tschertgadas ed han bunas schanzas da chattar ina plazza da lavur.

Ulteriuras infurmaziuns

OdA AgriAliForm
c/o Schweiz. Bauernverband
Laurstr. 10
5201 Brugg
Tel: +41 56 462 54 40
URL: www.agri-job.ch





orientamento.ch